Aðeins 2 mínútur með forystu

Þeir eru alveg stórmagnaðir Tyrkirnir. Ekki var þeim spáð góðu gengi á EM en þeir hafa sýnt gríðarlega baráttu og unnið Evrópubúa á sitt band.

Það er athyglisvert og hreint út sagt ótrúlegt að lið Tyrklands sé að spila í undanúrslitum á EM og aðeins búnir að hafa forystu í 2 mínútur í leikjunum fjórum. Aðeins tvær mínútur af 390 mínútum.

Fyrsti leikurinn við Portúgal tapaðist 0-2.

Annar leikurinn, var við Sviss og vannst 2-1  sigur en þá skoraði  Arda Turan mark í blálokin, eða á  90+2 mínútu.

Nihat Kahveci  sá svo um að slá Tékkana út með glæsimarki á 89. mínútu í 3-2 sigri.

Þriðja hetjan, Semih Serturk skoraði svo magnaðasta mark EM á 30+2 í viðbótartíma.

Sem sagt, uppsöfnuð forysta í tvær mínútur. Alveg magnað.

Hvernig fer svo laskað lið Tyrkjana út úr leiknum við Þjóðverja? Tja, ég er hræddur um að ævintýrið sé á enda runnið og öll kraftaverkin búin eða hvað?  Hefur Tyrkneska þjóðin taugar í fleiri leiki?

Tyrkir með þrettán útispilara

Athugasemdir

[Sigurpáll Ingibergsson, 25.6.2008 kl. 14:06]

Takk fyrir upplýsingarnar Júlíus! 

Heyrði tölfræðina með 2 mínútur frá Steve Wilson, álitsgjafa hjá BBC. Er BBC ekki eins og Mogginn. Þau ljúga ekki. 

Ég man eftir vináttulandsleik Íslands og Tyrklands á Laugardalsvelli árið 1991. þá voru Tyrkir fallbyssufóður fyrir Íslendinga.  Ísland vann leikinn 5-1 og skoraði Arnór Guðjohnsen fjögur mörk.  Nú er öldin önnur, við orðin fallbyssufóður. Hvað breyttist?

[Björn Kr. Bragason, 29.6.2008 kl. 02:26]

Árið 1991 var Enginn í markinu hjá Tyrkjunum og því lítið mál fyrir íslensku meðaljónana að setj'ann 5 sinnum