Brids í Suðursveit

Nú um helgina verður haldið bridgemót og hrossakjötsveisla í Þórbergssetri. Torfi Steinþórsson á Hala var milkill félagsmálafrömuður og áhugamaður um spilamennsku og gekk hann fyrir bridskeppni og hrossakjötsveislum í Suðursveit á árum áður. Afkomendur hans hafa tekið að sér að halda merkinu á lofti og halda við hefðinni.  Ég verð fjarri góðu gamni en hef fregnað að þátttaka sé góð, 40 spilarar búnir að melda sig inn.

Það var alltaf gaman að spila í Suðursveit. Þetta mót hefur rifjað upp góðar minningar frá síðustu öld.

 

Torfi Steinþórsson í keppni í Golfskála Hornafjarðar á Jólamótinu. Myndin gæti verið tekið árið 1994. Suðursveitungar mættu með fimm sveitir og öttu kappi við Hornfirðinga í skemmtilegri keppni. Sigurinn var þeirra.

Það var mikill karftur í brids á Hornafirði á þessum árum. Hápunkturinn voru Opnu Hornafjarðarótin (Jöklamótin) sem haldin voru átta sinnun á árunum 1991 til 1998 og drógu til sín sterka spilara víða af landinu enda voru glæsileg verðlaun í boði. Sýslutvímenningur var einnig spilaður. Var hann stundum spilaður á Hrollaugsstöðum. Því er þetta mót frábært framtak hjá Halafólki.

Bridslíf var öflugt í Suðursveit á þessum blómaárum. Hér er frétt úr gagnasafni Morgunblaðsins frá 14. febrúar 1996. 

Bridsfélag Suðursveitar

Síðastliðin þrjú föstudagskvöld hefur verið spiluð Bændaglíma á Hrolllaugsstöðum, er þetta helsta tvímenningsmót sem BS stendur fyrir. 10 pör mættu til leiks og var spilaður hefðbundinn tvímenningur og var meðalskor 324 stig.
Lokastaðan:

Þorsteinn Sigjónsson - Gestur Halldórsson, BH  409
Sigurpáll Ingibergss. - Valdemar Einarss., BH     374
Sverrir Guðmundss. - Gunnar P. Halldórss., BH   369
Þorbergur Bjarnason - Halldór Guðmundss., BS  337
Jón Sigfússon - Jón M. Einarsson, BS                  306

Menn kunnu að nefna bridsmót skemmtilegum nöfnum á þessum frjóu árum.  Bændaglímavar spiluð í Suðursveit. Nesjamenn höfðu Hreindýramót og Gullfiskamót.

Athugasemdir

[Þorsteinn Sverrisson, 6.4.2008 kl. 15:25]

Það er gaman að sjá að enn er öflugt bridslíf víða úti á landi.  Á laugarvatnsárunum sá maður að nánast allir strákarnir sem komu frá Höfn kunnu brids eins og þú, Hemmi, Maggi Páls og fleiri.  Svipað var að segja um þá sem komu úr Hrunamannahreppi enda lærði ég brids í Flúðaskóla líklega 14 eða 15 ára. Þar er enn mjög virkur bridsklúbbur og Sigurður Sigmundsson (föðurbróðir Óla Sig) sendir reglulega fréttir í moggann.

[Sigurpáll Ingibergsson, 6.4.2008 kl. 16:55]

Hann Sigurður Sigmundsson hefur skemmtilegan stíl í bridsfréttum í Mogganum.

Í dag er brids ekki spilaður í ML, sjónvarpið í setustofum hefur líkelga drepið áhugann.  Unga fólkið kemur ekki í brids í dag, póker er orðin svo skelfilega vinsæll.

[Þorsteinn Sverrisson, 7.4.2008 kl. 21:55]

Já nú er hún Snorrabúð stekkur

[Jón Halldór Guðmundsson, 8.4.2008 kl. 09:58]

Gaman að sjá Hornfirðinga við bridgeborðið. Þeir eru perlur.