Pabbi, leikurinn fór sex-sex

Ari litli var að koma af annari fótboltaæfingu sinni hjá 8. flokki Breiðabiks.

Þegar hann stakk litla ljósa kollinum inn um útidyrnar var það fyrsta sem heyrðist:

"Pabbi, leikurinn fór sex, sex"

Það er mikið skorað á æfingunum og markmiðið um að börnunum líði vel og séu ánægð að lokinni æfingu hafa greinilega náðst.

Ari kom með blað heim í kvöld.  Ég spurði hann hvort hann væri strax kominn með samning!

Nei, þetta voru æfingagjöldin. 

Athugasemdir

[Jóhannes Einarsson, 14.11.2007 kl. 15:48]

Þvílík markasúpa hjá Ara og félögum. Það er til þess að koma í veg fyrir svona tölur sem Elvar er nú kominn á námskeið hjá Fjalari Þ. numero dres í okkar landsins knattspyrnu úrvali. Þetta væri ekki í frásögur færandi nema að þessar æfingar fara fram kl 06:30 á þriðjudagsmorgnum og standa í 5 vikur, og það var klúður að vera ekki með video vélina með sér þarna í gærmorgun, heyrðist ekki púst eða stuna frá strákunum (5. og 4. flokks strákar allstaðar frá) allir hálf sofandi til að byrja með.  En svo var bara tvennt í viðbót,; í Hafnarfirði eru engin æfingagjöld, þau greiðum við í sköttunum, og svo síðast en ekki síst, þú hefur fengið selskap í vinahópnum mínum á Goðahólnum en vinum mínum hefur fjölgað um helming.

[Sigurpáll Ingibergsson, 14.11.2007 kl. 23:48]

Er tíminn örygglega rétt sleginn inn hjá þér, hálf sjö!  Dagurinn tekinn snemma. Það á greinilega að halda Íslandsbikarnum í Firðinum.

Kratarnir í Hafnarfirði klikka ekki með æfingagjöldin. Við fáum frítt í strætó í staðin.

Glæsilegt að fá selskap á Goðahólnum. Það komast eflaust fleiri fyrir á honum!