Sá hlær bezt sem síðast hlær

Þegar ég heyrði tilkynninguna um íþróttamann ársins 2007 í gærkveldi hvarflaði hugurinn til uppskeruhátíðar knattkvenna í sumar. Mikið hefur þeim liðið illa í gærkveldi sem stóðu að smölun á atkvæðum í kjöri leikmanns ársins. Þar var klárlega bezti leikmaðurinn sniðgenginn.  Kannski var sá ósigur lykilinn að sigrinum í gærkveldi.

Niðurstaðan er glæsileg. Til hamingju Eyjamenn. Til lukku Margrét Lára Viðarsdóttir

Margrét Lára íþróttamaður ársins

El Clásico - 2000 árgangurinn

El Clássico er borgarslagur á milli Barcelona og Real Madrid. Ekki er þetta nágrannaslagur enda um 600 km loftlína á milli Madríd og Barcelona. Í gengum tíðina hefur ýmislegt komið upp á í samskiptum Katalóníuhéraðs, þar sem Barcelona er staðsett, og þeirra sem hafa haft völdin í höfuðborginni Madríd.

Leikir Barcelona og Real Madrid er miklu meira en fótboltaleikur. Hann er spurning um þjóðernishyggju, sjálfstæðisbaráttu, völd og frelsi. Menningarmunur á milli Katalóníu og Kastilía. (Castile). Ég var svo lánsamur að komast á leik milli liðanna 21. október árið 2000 en þess leiks verður ávallt minnst sem leiksins þegar Luis Figo fór yfir til Madrídar. Það voru landráð.

Ég var í fimm daga í Barcelona, höfuðborg Katalóníu. Ég var ekki búinn að átta mig á fánum stuðningsmanna Barcelona, röndóttum, gulum og rauðum. Eftir skoðunarferðir um borgina áttaði maður sig á því hversu mikil virði katalónski fáninn er Barcelonabúum.

Einræðisherran Francisco Franco var við völd á Spáni á árunum 1936-1975 og á þeim tima var íbúum Katalóníu m.a. bannað að tala  katalónsku á  opinberum vettvangi. Einn af fáum stöðum þar sem Katalóníubúar fengu að tala sitt tungumál í friði fyrir útsendurum einræðisherrans var á heimavelli Barcelona, Nou Camp.

Við Vifill Karlsson vorum svo heppnir  að fá sæti fremst í stúkunni fyrir ofan hörðustu stuðningsmenn Barcelona. Hinn óvopnaða her Katalóníu. Þeir voru magnaðir og stóðu allan leikinn og sungu baráttusöngva.  

Barcelona vann sem betur fer leikinn, 2-0 og því kom ekki til neinna óláta en við vorum varaðir við því að fara á leikinn ef illa færi.  Ég man að þegar fyrsta markið kom en Luis Enrique stangaði knöttinn í netið. Þá var eins og öflug sprengja hefði sprungið á leikvellinum. Stúkan sem við sátum fremst á dúfaði upp og niður. Leikvangurinn nötraði. Þjóðhátíðarskjálfinn sem reið yfir okkur fyrr á árinu var lítill í samanburði við þessar hamfarir.

Ég var svo hrifinn af borginni eftir ferðina að ég gekk í stuðningsmannaklúbb Barcelona hér á landi en starfsemi hefur verið mjög dauf. 

Katalónía er þjóð og Barcelona er her þess. “Catalonia is a nation and FC Barcelona its army”

Vonandi fær víkingurinn, Eiður Smári Gudjohnsen tækifæri í byrjunarliðinu og vonum að hann setji mark sitt á leikinn. 

 

 

 Harðkjarninn  hjá FC  Barcelona

 

El Cant del Barça -  Lofsöngurinn

 

 

Skemmtileg grein - Ekki bara knattspyrna - eftir Þröst Helgason um leikinn

Real Madrid sigraði - Eiður úti í kuldanum

Íslendingar beita bolabrögðum, og áhorfendur hlutdrægir

 

Fyrsti landsleikur Íslands og Danmerkur var háður 17. júlí 1946. Hann fór 0-3 fyrir Dani. Fann viðtal í Mogganum frá 1. ágúst 1946 við  tvo leikmenn danska landsliðsins. Þá Harald Lygnsaa og  Jörgen W. Hansen. Viðtalið er þýtt úr  Berlingske Tidende.

Flott fyrirsögn. Hvenær eru áhorfendur ekki hlutdrægir?

Spilaðir voru þrír leikir í ferðinni. Fyrsti landsleikurinn fór 0-3. Annar leikurinn hjá D.B.U var við Fram og sá síðasti við úrvalsliðið er endaði með sigri Íslendinga 4-1.  Danska liðið hafði lagt Svía 6-0 nokkru áður.

Í greininni er greint frá ferð danska liðsins AB en Ísland vann þann leik og útreiðaferð á Þingvelli fyrir leikinn.

Fólk hefur áhyggur af íslenskunni í dag en íslenskan í þessu viðtali er slæm.

 

Íslendingar sáu aldrei til sólar í 3:0-tapleik gegn Dönum

Binnamenn

Hún var skelfileg byrjunin hjá HK á móti svartstökkunum í FCK.  Binnamenn stóðu sig mjög vel á pöllunum og það var gaman sjá kraftinn í þeim þegar leikar voru jafnaðir.  Þá voru sungnir baráttusöngvar og HK-fánum flaggað. Útileikurinn verður erfiður en nokkrir Binnamenn fara með til Kaupmannahafnar. Þeir eru hressustu stuðningsmenn á Íslandi.

 

FCK marði tveggja marka sigur á HK

Flottustu fótboltastelpur í heimi!

Flottustu fótboltastelpur í heimi! - Slagorð hjá Sjónvarpinu fyrir HM-kvenna í knattspyrnu sem haldið er í Kína.  Það vantar bara stúlkur frá Íslandi til að fullyrðingin haldi! Ég hef trú á að Ísland geti komist í úrslitakeppni heimsmeistarakeppni kvenna í einni af næstu þrem HM-keppnum.

Nú stendur yfir leikur Englands og Argentínu.  Ég fylgist með ensku stúlkunum. Uppistaðan í liðinu er frá meisturum Arsenal en það hefur verið yfirburðalið á Englandi síðustu ár. Níu leikmenn af 21 manna hóp eru frá  Arsenal og í leik Englands og Þýskalands sem endaði jafnt, 0-0, spiluð 7 leikmenn frá Arsenal.  Kíkjum á byrjunarlið Englands gegn Argentínu á Chengdu leikvanginum.

1 Rachel BROWN                    Everton
12 Anita ASANTE                 Arsenal
6 Mary PHILLIP                   Arsenal
2 Alex SCOTT                      Arsenal
3 Casey STONEY                    Chelsea
5 Faye WHITE (C)               Arsenal
8 Fara WILLIAMS                   Everton
10 Kelly SMITH                    Arsenal
16 Jill SCOTT                          Everton
9 Eniola ALUKO                      Chelsea
11 Rachel YANKEY               Arsenal 

Í leiknum sem stendur yfir núna eru sex leikmenn frá Arsenal en Katie Chapman er í leikbanni.

1 Arsenal  22 22 0 0 119 10  66
2 Everton 22 17 1 4   56 15  52

Árangur Arsenal í kvennaknattspyrnu er mjög athyglisverður. Hann er glæsilegri en árangur Valsstúlkna á Íslandsmótinu í ár. Þær ensku sigruðu í öllum keppnum á Englandi og unnu UEFA bikarinn. Eina áfallið sem þær lentu í var jafntefli í Evrópukeppninni en það kom ekki að sök.

England hefur mikla yfirburði í leiknum í dag. Þýskaland vann Argentínu 11-0. Staðan í hálfleik er 2-0 fyrir England. Eva Gonzalez með athyglisvert sjálfsmark á 9. mínútu og Jill Scott skömmu síðar skoruðu mörkin tvö.  Leikurinn er opinn, færi Englands í fyrri hálfleik eru 15 en Argentínu 6. Staðan í boltameðferð er 64%-36%.

Liðin frá Evrópu eru skrefi á undan liðunum frá Afríku, Asíu, Ameríku og Eyjaálfu í styrkleika. Allt stefnir í að Þýskaland og England fari áfram í 8-liða úrslit. Japan og Argentína sitja eftir með sárt ennið.

Vefsíða keppninnar

Ármann Smári

Það var gaman að sjá byrjunarlið Íslands á móti N-Írum. Mesta athygli vakti leikmaður númer 10, Ármann Smári Björnsson en hann kom inn í liðið fyrir Jóhannes Karl Guðjónsson sem er í leikbanni. Hafi einhverjir verið í vafa um hvort valið hafi verið rétt, þá þögnuðu þær pælingar á 6. mínútu. Ármann Smári stimplaði sig rækilega inn í leikinn.

Hér er ferill Ármanns en hann er 26 ára gamall. Hann lék sinn fyrsta meistaraflokksleik fyrir Sindra árið 1996, 15 ára gamall. Leikirnir það tímabil urðu 5.

1996-2000   UMF Sindri            61 (45)
2000            Lillestrøm (lán)       0   (0)
2001-2002   Valur                    28   (5)
2002            SK Brann (lán)        7  (3)
2003            Valur                     17  (2)
2004-2006   FH Hafnarfjarðar   35  (7)
2006            SK Brann               22  (9)

Á valur.is fann ég þetta um Ármann.

Ármann Smári kom til Vals frá Sindra þar sem hann fór kornungur að vekja athygli. Ármann skoraði 32 mörk fyrir Sindra í 3. deild 1998 og varð markakóngur. Árið 2000 fór hann til norska úrvalsdeildarfélagsins Lilleström.

Vonandi breytist staðan ekkert í seinni hálfleik.

Gott viðtal er við Ármann Smára í Eystrahorni fyrir stuttu. Í góðum málum hjá Brann

 

Heimildir:

valur.is

wikipedia.is 

Ísland sigraði Norður-Írland 2:1

Sindri - Magni 2 : 3

Var að fletta í textavarpinu og sá þessi slæmu úrslit fyrir Sindramenn. Nú er staðan slæm. Sindri kominn í neðsta sæti í  C-deild en aðeins eitt lið fellur. Kíkjum á stöðuna þó það sé ekki skemmtilegt.

1	Haukar	17	12	5	0	43  -  13	30	41
2	Selfoss	17	10	3	4	35  -  16	19	33
3	KS/Leiftur	17	9	6	2	33  -  17	16	33
4	ÍR	16	8	6	2	35  -  14	21	30
5	Afturelding	16	8	1	7	24  -  19	5	25
6	Völsungur	17	7	2	8	22  -  23	-1	23
7	Höttur	17	6	2	9	22  -  27	-5	20
8	Magni	17	3	2	12	14  -  40	-26	11
9	ÍH	17	2	4	11	21  -  38	-17	10
10	Sindri	17	3	1	13	19  -  61	-42	10

Magni frá Grenivík var í botnsætinu fyrir næst síðustu umferð. Jafntefli hefðu verið fín úrslit á Mánavelli. Staðan er þó ekki vonlaus. Síðasti leikur er á Héraði við Hött og gæti jafntefli dugað til að halda sæti meðal 29 bestu liða landsins.

Ég hef ekki náð að sjá leik með mínum mönnum á keppnistímabilinu 2007 en kíkjum á liðið á móti Magna. 

1  Denis Cardaklija                  
2  Seval Zahirovic                   
3  Atli Haraldsson                  
4  Sindri Ragnarsson                     
5  Björn Pálsson                    
6  Grétar Örn Ómarsson                   
7  Óskar Guðjón Óskarsson                  
8  Jón Haukur Haraldsson                    
9  Hjalti Þór Vignisson                    
10 Halldór Steinar Kristjánsson                  
11 Einar Smári Þorsteinsson 

Þarna er valinn maður í hverri stöðu. Meira að segja bæjarstjórinn á miðjunni. Það dugði ekki fyrir humardrengina frá Hornafirði. 

Jóhann Bergur Kiesel  (M),  Atli Arnarson, Kristinn Þór Guðlaugsson og Júlíus Freyr Valgeirsson sátu á bekknum í byrjun leiks.

Sindramenn skoruðu fyrsta mark leiksins, Björn Pálsson á 24. mínútu. Þorsteinn Þorvaldsson jafnaði skömmu síðar leika. Seval kom Sindra í 2-1 á 67. mínútu en Þorsteinn jafnaði skömmu síðar. Síðan skoraði hann þriðja mark sitt og Magna á 80. mínútu.

Boltinn rúllar í Qatar

Í dag hefst knattspyrnuvertíðin í Qatar. Qatarski boltinn. Ég hef ákveðið að stækka knattspyrnuhringinn minn og fylgjast óreglulega með qatarska boltanum.  Tíu lið leika í efstu deild, Qatari League, kölluð Q-deildin.  Þau eru:

•     Al-Arabi Sports Club
•     Al-Sadd
•     Al-Rayyan Sports Club
•     Al-Wakra
•     Al-Gharrafa
•     Al-Siliya Sports Club
•     Al-Khor
•     Al-Shamal
•     Qatar Sports Club
•     Umm-Salal Sports Club

Úr þessum flokki þarf að velja eitt lið fyrir tímabilið. Maður kemur alveg að hreinu borði. Spurning um að búa til reglu. Láta byrja á A, til að vísa í Arsenal. Síðan er spurning um að velja Silya en það minnir á Sindra eða Khor það er svipað og HK. Jú ætli maður kíli ekki á Al-Siliya. Þetta verður  árið sem þeir slá í gegn. Fallbarátta hefur verið þeira hlutskipi síðustu ár. Liðið vann sig upp í Q-deild á síðasta tímabili. Al-Siliya er frá höfuðborginni Doha og spilar í búningum sem minna á Inter Milan.  

Leikin er þreföld umferð, 27 leikir og lýkur vertíðinni í apríl á næsta ári. Fyrsti leikur minna manna verður nágrannaslagur á útivelli við Al-Arabi. Það verður erfiður leikur. Heimavöllur er Khalifa Stadium sem er glæsilegt íþróttamannvirki sem tekur 50.000 manns í sæti.

Sá á Gulf fréttavefnum að Sheikh Jassim Cup keppninni er nýlokið. Þar stóðu mínir menn sig vel. Komust í úrslit en töpuðu 2-4 fyrir Al Gharafa efir að hafa komist í góða forystu, 2-0.

Meistarar síðasta tímablis var stórliðið Al-Sadd en það hefur verið sigursælasta lið Qatar.

Margir þekktir kanttspyrnumenn hafa endað ferilinn í Qatar en Arabarnir hafa verð að byggja upp knattspyrnuíþróttina í landinu með olíugróðanum. Einn af þeim er Frakkinn Frank Leboeuf sem spilaði á árunum  2003 til 2005.   Hann mælti þessi fleygu orð: "There are more stars in Qatar than in France"

Qatar er í 83. sæti á heimslista FIFA en Ísland í því 117.

Tenglar:

Soccerway.com 

Qatari League á Wikipedia

http://www.alsailiyaclub.net

Helzta fréttagátt 

Jákvæðir landsmótsgestir

Það kemur mér ekki á óvart að Unglingalandsmótið hafi gengið vel fyrir sig. Mótsgestir eru mjög jákvæðir og skemmtilegir. Ég hef aðeins aðstoðað Albert Eymundsson, útbreiðslustjóra í Hornafjarðarmanna við að kenna fólki Hornafjarðarmanna. Þannig hef ég fengið að kynnast gestum. Landsmótsgestir hafa streymt í kennslutjaldið og það hefur verið mjög gaman að kenna jákvæðu fólkinu galda spilsins. Áhuginn er mikill fyrir  Manna og allt stefnir í metþátttöku.

Í dag verður kíkt á bændaglímu í stóra tjaldinu. Fylgst með mótorcross móti. Einnig horft á nokkur landsmótsmet í frjálsum og góðar rispur í fótbolta. Eftir það verður síðasta þrautin í Þórbergsleikum káruð og afreksmiða skilað inn.  Kl. 15 verður tekið í spil í Hornafjarðarmanna og eftir það býður UMFÍ upp á afmælistertu í tilefni af 100 ára afmæli.  Í kvöld verður hlustað á tónlist og flugeldasýningu.  Það er því margt í boði fyrir fólk sem ekki er á keppnisaldri.

Þegar frábært skipulag, ágætt veður, vinsamlegir mótshaldarar, fórnfúsir sjálfboðaliðar og jákvætt fólk mætir á svæðið, þá hlýtur útkoman að verða góð.

Hittumst á Hornafirði

Það er fín stemming á Hornafirði. Hornfirðingar eru vel gíraðir og ætla að taka vel á móti gestum sínum. Umgjörðin fyrir 10. unglingalandsmót UMFÍ er mjög góð. Nýjir og fallegir keppnisvellir fyrir frjálsíþróttir og krakkablak. Búið er að hanna skemmtilega mótorcrossbraut. Stórt landsmótstjald fyrir kvöldvökur, glímur og Hornafjarðarmanna. Tjaldþorp er ristið í miðbænum, þar er m.a. Þórbergstjald. Veðrið í dag er búið að vera densilegt, léttskýjað og gola. Fjörðurinn skartaði sínu fegursta í kvöld, ASA 1 og tíu gráður í plús.

Það fjölgar á tjalstæðinu og á vegagerdin.is voru taldir 1.379 bílar frá miðnætti við Kvísker. Í Hvalnesskriðum eru 915 bílar búnir að fara um. Sambærilegar tölur fyrir Öxnadalsheiði eru  2.314 bílar.

Keppni á unglingalandsmótinu hefst árla í fyrramálið, kl. 8.00 með golfmóti á frábærum Silfurnesvelli. Veðurspáin fyrir helgina er bærileg, úrkoma á morgun og skúrir um helgina.

Það verður gaman að keppa á Hornafirði um helgina.