Íslendingar beita bolabrögðum, og áhorfendur hlutdrægir

 

Fyrsti landsleikur Íslands og Danmerkur var háður 17. júlí 1946. Hann fór 0-3 fyrir Dani. Fann viðtal í Mogganum frá 1. ágúst 1946 við  tvo leikmenn danska landsliðsins. Þá Harald Lygnsaa og  Jörgen W. Hansen. Viðtalið er þýtt úr  Berlingske Tidende.

Flott fyrirsögn. Hvenær eru áhorfendur ekki hlutdrægir?

Spilaðir voru þrír leikir í ferðinni. Fyrsti landsleikurinn fór 0-3. Annar leikurinn hjá D.B.U var við Fram og sá síðasti við úrvalsliðið er endaði með sigri Íslendinga 4-1.  Danska liðið hafði lagt Svía 6-0 nokkru áður.

Í greininni er greint frá ferð danska liðsins AB en Ísland vann þann leik og útreiðaferð á Þingvelli fyrir leikinn.

Fólk hefur áhyggur af íslenskunni í dag en íslenskan í þessu viðtali er slæm.

 

Íslendingar sáu aldrei til sólar í 3:0-tapleik gegn Dönum

Athugasemdir

[Sigurður F. Sigurðarson, 21.11.2007 kl. 20:41]

Þetta er ekki slæm íslenska.. þetta er barn síns tíma.

[Sigurpáll Ingibergsson, 21.11.2007 kl. 20:57]

Sæll Sigurður!

Það má vel vera. En mikið að ske í leikjunum. Skeður ekki allt í Danmörku en gerist á Íslandi? Einnig eru orð þarna sem búið er að þýða. T.d. "Professionölutricks" og "tacklaði".