Vandamál að komast inn á völlinn

Ég var að hrósa miðasölukerfi KSÍ í gær.  Það brást hins vegar í kvöld, rétt eins og íslenska landsliðið. Þegar komið var að aðal dyrunum, Vestur inngangi, beið okkar heljar biðröð. Náði hún langt frá vellinum. Tuttugu mínútur í leik. Ég sem ætlaði að slappa af og hlusta á þjóðsöngin.  Í 25 mínútur héngum við í röðinni sem silaðist áfram hægar en brekkusnigill. Orsökin var bilun í miðaskannarum og öryggisgæsla. Var stikamerkið rifið af miðanum. Þegar inn var komið, voru 7 mínútur liðnar af leiknum. Ótrúlega léleg þjónusta. Þá hófst leitin að sætunum. Eftir að hafa spurt nokkra vísbendingaspurninga fundust sætin þrjú. Það hefði nú mátt merkja hólfin betur. Það kunna Tjallarnir. Í hamagangnum missti ég af því að eignast leikskrá og gekk illa að þekkja suma íslensku leikmennina.

Ísland átti nokkur ágæt færi sem ekki nýttust. Skyndilega kom skoskt mark upp úr hornspyrnu. Tók þá Tartan Army vel við sér.  Einn ungur Skoti sat einmanna stutt frá okkur og hafði hægt um sig. En nokkrir spiluðu á sekkjapípur og var það flottur hljómur.

Ekki höfðu Íslendingar trú á að Kjartan markvörður myndi verja vítið, þrír hvítklæddir Skotar voru komnir inn í teiginn. Það var óheppilegt. Staðan orðin 0-2. 

Hafnfirðingurinn Emil Hallfreðsson átti fínan leik á vinstri og gaman að fylgjast með honum í síðari hálfleik. Íslenska liðið spilaði ágætlega, en nýttu ekki færin.

Dómarinn belgíski var dapur og fékk oft rauða spjaldið frá áhorfendum. Hann átti það skilið. Stoppaði flæðið í leiknum.

Eftir þetta tap, er orðið erfitt að komast til S-Afríku og vinna Heimsmeistaratitilinn!

Skotar unnu nauman sigur

Athugasemdir

[Jón Halldór Guðmundsson, 10.9.2008 kl. 23:40]

Aron og Emil voru frábærir, einnig Indriði og Stefán góðir.

Margt gott hjá liðinu okkar, en þá vantaði smá heppni í kvöld.

[Kristján (IP-tala skráð) 11.9.2008 kl. 09:25]

Indriði góður??? á hvaða leik varst þú að horfa eiginlega, hann var út á þekju eftir að hann kom inn á.

Stefán var mjög góður sammála því og Emil sprækur.

[Jónas Ýmir Jónasson, 11.9.2008 kl. 09:31]

Þetta er alltaf svona á laugardalsvelli, ég neyddist til að fara á þennan leikvang 4 sinnum á síðasta ári, öll skiptin var ég tímanlega en í öll skiptin var leikurinn löngu byrjaður þegar maður komst loksins í gegnum þessa röð.

[Sigurpáll Ingibergsson, 11.9.2008 kl. 10:14]

Sælir félagar!

Mikið er knattspyrnan skemmtileg. Menn geta rökrætt lengi vel eftir leiki hvernig menn stóðu sig!

Fróðlegt að heyra þetta Jónas um aðganginn að Laugardalsvelli. Í blöðum í morgun var Grétar Rafn að kalla eftir meiri fagmennsku hjá KSÍ.  Þetta atriði er eflaust eitt af því. Umgjörðin ekki nógu góð. Ég ætla að hugsa mig tvisvar um næst þegar hugmynd kemur um að mæta á Laugardalsvöllinn.