Mozart eða Mannerheim

Þeir stóðu sig vel Hornfirðingarnir á móti Mosfellingum í ÚtSvari í kvöld. Eftir erfiða byrjun, þá vannst mikill leiksigur í orðaspurningunum. Samvinna Kristínar Hermannsdóttur og Sigurð Hannesson og Lenu Hrönn Marteinsdóttur var mjög góð. Leiddu Hornfirðingar því með einu stigi fyrir lokaorrustuna. Sindramenn voru óheppnir í sprengjuspurningunum.  Allir þekkja tónlist Mozarts og enginn betur en Sigrún Hjálmtýsdóttir en mjög fáir kannast við finnska hershöfðingjann Carl Gustaf Emil Mannerheim

Mosfellingar könnuðust við báða og hafði Afturelding því sigur eftir góðan endasprett, 55-75.

Yngsti bæjarstjóri landsins, Hjalti Vignisson, reyndist vinur í raun. Hann mundi eftir Kolbeini Tumasyni, Ásbirning er féll í bardaganum í Víðinesi í Hjaltadal  1208, fyrir 800 árum. Gott framtak hjá Hjalta unga.

 

Athugasemdir

[Jón Halldór Guðmundsson, 25.1.2008 kl. 22:25]

Hornfirðingar stóðu sig samt afar vel og geta borið höfuðið hátt.

[Sigurpáll Ingibergsson, 26.1.2008 kl. 10:56]

Sæll Jón Halldór!

Já, Austfirðingarnir stóðu sig vel.

En mér finnst stundum þessar 15 stiga spurningar misþungar í keppninni.

T.d. er þessi Mozart spurning að mínu mati 5 stiga þung, en finnski hershöfðinginn, Mannerheim er 30 stiga virði! 

Ekki ætla ég samt að kenna því misvægi um ósigur Hornfirðinga.