Morro Castle

SS Morro Castle var eitt nýtískulegasta farþegaskip heims og sigldi á milli Havana á Kúbu og New York. Snemma morguns, 8. september 1934 kviknaði í skipinu sem var á leið til New York og 137 manns létu lífið. Eftir slysið mannskæða varð stökkbreyting á eldvörnum í skipum.

Það er athyglisvert að Microsoft hefur ekki komið með þetta útspil fyrr. Hárin hafa eflaust risið á Friðriki Skúlasyni og vírusbönum víða um heim er þeir heyrðu af tilkomu Morro.  

Morro er hannaður til að finna m.a. vírusa, njósnahugbúnað, rótartól og Trójuhesta. Hugbúnaðurinn sem verður gefinn út 30. júní 2009 er sagður vera ókeypis en það er markaðsblekking. Hádegisverðurinn er aldrei ókeyps. Eins og áður segir verður hugbúnaðurinn aðeins fyrir Windows XP, Windows Vista, and Windows 7. Það þýðir að margir tölvunotendur geta ekki nýtt sér hugbúnaðinn. Einnig var minnst á Internet Explorer, það gæti þýtt að notendur Firefox verða einnig útundan.

Það er greinilegt að Microsoft ætlar ekki að tapa neinni markaðshlutdeild á komandi árum.

Ókeypis vírusvörn fyrir allar PC tölvur

Athugasemdir

[Þórarinn Guðmundsson, 20.11.2008 kl. 23:56]

Ég ætla meira að segja að efast að það verði hægt að nota þessa  vörn með XP

[Einar Steinsson, 25.11.2008 kl. 10:57]

Þeir sem ekki geta nýtt sér þennan hugbúnað er fólkið sem hreykir sér af því að það þurfi ekki vírusvarnir á vélarnar þeirra þannig að hvað er vandamálið? Það væri óeðlilegt að Microsoft færi að skrifa hugbúnað fyrir Linux sem væri síðan óþarfur. Síðan er vírusvörnum alveg sama hvaða vafra þú notar þannig að firefox notendum ætti að vera óhætt. Hlutverk vírus og "mailware" varnar er að verja stýrikerfið algjörlega óháð hugbúnaðinum sem verið er að nota.

Síðan held ég að Friðrik og kollegar hans sofi nokkuð rólega, það er ekki þannig að þetta sé fyrsta fría vírusvörnin fyrir Windows, það eru til nokkrar og þær bara ansi góðar t.d. eins og AVG og Avast.