Internet Explorer 8

Hraðari, öruggari og auðveldari eru einkunarorð Beta útgáfunnar af Internet Explorer 8.

Ég velti í nokkur tíma fyrir mér hvort ég ætti að setja upp nýju Beta útgáfuna af Internet Explorer 8 upp á tölvunni heima hjá mér. Í gegnum tíðina hafa komið upp stór vandamál varðandi Microsoft Internet Explorer.  Ég tók áhættuna á kostnað forvitninnar.

Eftir að hafa sótt útgáfuna og ýtt þrisvar á Download takka til að nálgast hugbúnaðinn þá þurfti að endurræsa tölvuna. Allt tók þetta sinn tíma. Síðan komu nokkrar spurningar sem svara þurfti samviskusamlega. Þoli þær stundum ekki.

Útlitið heldur sér, það er því ekki bylting á viðmótinu sem er jákvætt. Ég er íhaldssamur og finn yfirleitt ekki neitt í fyrstu atrennu í nýju viðmóti.

Við fyrstu kynni má greina sneggri svartíma, þannig að  IE menn hafa fundið leiðir til að minnka svartíma og eflaust leyst nokkur vandamál í leiðinni.

InPrivate Browsing er ný öryggislausn hjá IE. Ef valið er að skoða vefsíður í InPrivate, þá geymir hann ekki gögn um hvað var vafrað. Þ.e. kökur,  vinnuskrár, annálar og önnur gögn. Á móti kemur að sumar vefsíður verða ekki aðgengilegar. Það er á kostnað öryggisins.

Nýjum viðbótum er haganlega fyrir komið og á ekki að vera erfitt fyrir notendur að finna þær. 

Eftir fyrstu kynni af IE8, þá hvet ég forvitna netnotendur til að uppfæra.

Hægt er að nálgast útgáfu af Internet Explorer 8 Beta 2 hér:  Download

P.s.

Það skal tekið fram að blogg þetta var skrifað í Firefox. 

Athugasemdir

[JGG (IP-tala skráð) 30.8.2008 kl. 18:39]

Hefðir átt að verá á KRvelli að skoða gamla liðið þitt að austan

( Í firefox )

 JGG

[Sigurpáll Ingibergsson, 2.9.2008 kl. 13:07]

Sæll JGG!

Þú segir fréttir, Sindri - KV  í  8 liða úrslitum þriðju deildar karla.  Þessi leikur fór alveg framhjá mér.

Úrslit leiksins urðu 2 : 2 sé ég og staðan efnileg fyrir Sindra fyrir leikinn í kvöld.

[Sturla (IP-tala skráð) 5.9.2008 kl. 00:50]

þú ættir að vara menn við því að ekki er hægt að uninstalla IE8 beta þegar hann er kominn inn! Búinn að lesa um allskyns vandamál hjá þeim sem hafa sett hann upp! Hefur þetta gengið alveg snuðrulaust hjá þér?

[Sigurpáll Ingibergsson, 5.9.2008 kl. 08:17]

So far so good. Ein og ein vefsíða kemur illa upp, en þegar ýtt er á reload, þá birtist innihaldið.

 Hef ekki fjarlægt áttuna, en í gegnum tíðina hefur það skapað vandamál að fjarlægja Internet Explorer frá MS.

Fín ábending hjá þér.