Sigra Spánverjar loks á stórmóti?

6.6.2008 | 22:46

Sigra Spánverjar loks á stórmóti?

Á morgun hefst knattspyrnuhátíðin. EM 2008 er 22 daga veisla sem hefst í Sviss en endar í Vín.

Þegar EM í knattspyrnu er annars vegar er þetta ekki bara íþróttaviðburður heldur evrópskur menningarviðburður. Fótbolti er hluti af menningu flestra Evrópuþjóða, EM er einn alstærsti viðburðurinn (ásamt ÓL og HM) þar sem ólíkar þjóðir úr allri Evrópu koma saman í friði og reyna með sér í heilbrigðum leik.

Trúarbrögð, hörundslitur, menning og efnahagur skipta ekki máli. Þetta er eitt af því góða sem samfélag þjóðanna hefur alið af sér. Þetta er keppni sem nær til allra - líka þeirra ríku og fátæku.

Það er mikill áhugi fyrir Evrópumótinu og góð stemming þótt við Íslendingar séum ekki með. Í dag hefur verið mikið spáð í úrslitin og sitt sýnist hverjum. Mér finnst stórveldin Þýskaland og Frakkland fá bestu útkomuna. Ég hef trú á því að Spánverjar með Fabregas í broddi fylkingar fari loks að standa undir væntingum og vinni í ár. Það eru 44 ár síðan þeir lyftu meistarabikarnum síðast.

Flestra augu beinast að Dauðariðlinum en þar bítast fjögur firnasterk lið um tvö sæti. Þau eru heimsmeistarar Ítalíu, sterkir Frakkar, appelsínugulir Hollendingar og gulir Rúmenar. Það verður gaman að fylgjast með þessum riðli. Rúmenar fá erfiða andstæðinga og róðurinn verður erfiður fyrir þá. Þeir gætu orðið neðstir.

Ég sá grein um hættulegustu vefsíður heims fyrir stuttu. Þar eru vefsíður sem enda á .ro, frá Rúmeníu á toppnum í Evrópu. Þeir hafa verið að sækja í sig veðrið Rúmenar, en óprúttnir aðilar hafa verið að kaupa rúmensk lén grimmt undanfarið. Lagaumhverfið er spillikóðum hagstætt. Kannski verða Rúmenar á toppnum í Dauðariðlinum!

Flokkur: Íþróttir | Breytt s.d. kl. 23:12 | Facebook

Athugasemdir

Spánn verður sterkur grunar mig Palli. Vildi sjá Frakka og Hollendinga áfram. Líkasd til verð ég fjarri góðu gamni í sjónvarpsglápi þar eð flesta daga verð ég að sigla með túrista.

Runólfur Jónatan Hauksson, 6.6.2008 kl. 22:51