Reimið skóna - Skóspark Ferguson

Fyrir akkúrat fimm árum, eða 15. febrúar 2003 áttust stórliðin á Englandi, Arsenal og Manchester United við á Old Trafford í enska bikarnum, í virtustu knattkeppni heims.

Arsenal hafði sigur, skoraði tvö mörk en Manchester gerði ekkert. Edu og Wiltord skoruðu mörkin mikilvægu.

Eftir leikinn gekk mikið á í búningsherbergi Manchestermanna og notaði Alex Ferguson hárþurkkuaðferðina. Honum var svarað og tók þá gamli atvinnumaðurinn til sinna ráða. Knattskór einn lá á gólfinu og þrusaði stjórinn honum að liðsmönnum. Hæfði skórinn stórstjörnu liðsins, David Beckham í gagnaugað. Hafði hann skaða af.

Mórarallinn af þessari sögu er sá að Manchester menn ættu að raða skónum sínum vel ef  illa fer.

Spennið beltin, reimið skóna! 

Annars er  gaman að skoða lið Arsenal í leiknum fræga, en Arsenal fór alla leið í bikarnum eftir sigur á Southampton.

Seaman; Lauren Keown Sol Cole; Parlour Vieira Edu Pires; Wiltord Jeffers.
Bekkur TH14 Warmuz vanB Cygan Toure.

Toure eini sem er eftir af liðinu á aðeins fimm árum!

Þessa sömu helgi, er Alex sparkaði skónum var mikil mótmælaalda í Evrópu út af fyrirhugaðri árás á Írak. Fjölmennustu friðargöngur sem haldnar hafa verið, það kom samt ekki fyrir innrásina sem hófst 18. mars. 

 

Alex Ferguson: Spennið beltin

Athugasemdir

[Runólfur Jónatan Hauksson, 16.2.2008 kl. 11:56]

Líkast til verður þetta skemmtilegur leikur Palli. Og við bara vonum að okkar menn hafi betur.

[Sigurpáll Ingibergsson, 16.2.2008 kl. 12:06]

Ég er bara nokkuð bjartsýnn fyrir leikinn. Ætla að kíkja á Ölver og fylgjast með hverri hreyfingu þar. Vona að Clichy verði með en hann hefur lag á að halda Ronaldo niðri, þá er Júnætid vængbrotið.

Adebayor fær vonadi að spila með og þá heldur hann áfram iðju sinni.