Dagur stærðfræðinnar

Í dag er dagur stærðfræðinnar. Það er góður dagur þótt kalt sé.  Ég hafði ávallt gaman að stærðfræði í skóla á námsárum mínum. Stærðfræði er grundvöllur tækniþekkingar.

Minn uppáhalds stærðfræðingur er Sir Isaac Newton. Hann var breskur vísindamaður sem er talinn frumkvöðull í eðlisfræði nýaldar og hann er án vafa einn mesti hugsuður mannkynssögunnar.

Digranesskóli í Kópavogi er  með frábært stærðfræðiframtak. Undanfarið hefur birst stærðfæðiþraut sem gaman er að glíma við. 

Pera vikunnar þraut nr. 104

Hver af þessum fjórum tölum, 50 - 59 - 65 - 96, passar í auða bilið í talnarununni hér að neðan ?

2, 3, 5, 9, 17, 33, __, 129, 257 ?

 

Athugasemdir

[Guðmundur Marinó Ingvarsson, 7.2.2008 kl. 21:07]

Ég hef misst af þessari færslu og þar sem enginn hefur svarað þá er rétt svar 65.

[Sigurpáll Ingibergsson, 8.2.2008 kl. 23:58]

Það er rétt hjá þér Gummi minn. Íslenskufræðingurinn seigur í stærðfræði.

[Jóhannes Einarsson, 10.2.2008 kl. 12:30]

Þetta voru ágæt heilabrot. Hef sent svarið inn til sveitunga þinna í nafni yngsta stærðfræðingings heimilisins, en hann er upptekin þessa stundina við að rústa Chelsea í FIFA 08. Vinni hann eru það verðlaun fyrir svita og tár sl. viku yfir stærðfræðiþrautum úr Engidalsskóla.