El Clásico - 2000 árgangurinn

El Clássico er borgarslagur á milli Barcelona og Real Madrid. Ekki er þetta nágrannaslagur enda um 600 km loftlína á milli Madríd og Barcelona. Í gengum tíðina hefur ýmislegt komið upp á í samskiptum Katalóníuhéraðs, þar sem Barcelona er staðsett, og þeirra sem hafa haft völdin í höfuðborginni Madríd.

Leikir Barcelona og Real Madrid er miklu meira en fótboltaleikur. Hann er spurning um þjóðernishyggju, sjálfstæðisbaráttu, völd og frelsi. Menningarmunur á milli Katalóníu og Kastilía. (Castile). Ég var svo lánsamur að komast á leik milli liðanna 21. október árið 2000 en þess leiks verður ávallt minnst sem leiksins þegar Luis Figo fór yfir til Madrídar. Það voru landráð.

Ég var í fimm daga í Barcelona, höfuðborg Katalóníu. Ég var ekki búinn að átta mig á fánum stuðningsmanna Barcelona, röndóttum, gulum og rauðum. Eftir skoðunarferðir um borgina áttaði maður sig á því hversu mikil virði katalónski fáninn er Barcelonabúum.

Einræðisherran Francisco Franco var við völd á Spáni á árunum 1936-1975 og á þeim tima var íbúum Katalóníu m.a. bannað að tala  katalónsku á  opinberum vettvangi. Einn af fáum stöðum þar sem Katalóníubúar fengu að tala sitt tungumál í friði fyrir útsendurum einræðisherrans var á heimavelli Barcelona, Nou Camp.

Við Vifill Karlsson vorum svo heppnir  að fá sæti fremst í stúkunni fyrir ofan hörðustu stuðningsmenn Barcelona. Hinn óvopnaða her Katalóníu. Þeir voru magnaðir og stóðu allan leikinn og sungu baráttusöngva.  

Barcelona vann sem betur fer leikinn, 2-0 og því kom ekki til neinna óláta en við vorum varaðir við því að fara á leikinn ef illa færi.  Ég man að þegar fyrsta markið kom en Luis Enrique stangaði knöttinn í netið. Þá var eins og öflug sprengja hefði sprungið á leikvellinum. Stúkan sem við sátum fremst á dúfaði upp og niður. Leikvangurinn nötraði. Þjóðhátíðarskjálfinn sem reið yfir okkur fyrr á árinu var lítill í samanburði við þessar hamfarir.

Ég var svo hrifinn af borginni eftir ferðina að ég gekk í stuðningsmannaklúbb Barcelona hér á landi en starfsemi hefur verið mjög dauf. 

Katalónía er þjóð og Barcelona er her þess. “Catalonia is a nation and FC Barcelona its army”

Vonandi fær víkingurinn, Eiður Smári Gudjohnsen tækifæri í byrjunarliðinu og vonum að hann setji mark sitt á leikinn. 

 

 

 Harðkjarninn  hjá FC  Barcelona

 

El Cant del Barça -  Lofsöngurinn

 

 

Skemmtileg grein - Ekki bara knattspyrna - eftir Þröst Helgason um leikinn

Real Madrid sigraði - Eiður úti í kuldanum

Athugasemdir

[Þorsteinn Sverrisson, 23.12.2007 kl. 18:24]

Sæll Sigurpáll, leikurinn fer ágætlega af stað. Barcelona er stórkostleg borg og Camp Nou stolt heimamanna. Ég var á leik þar í fyrravor og sá heimamenn spiluðu við Levante. Sá leikur kemst auðvitað ekki í hálfkvisti við stórleikina við Real. En það var engu að síður mikil stemming. Ég man að Mesi var í miklu uppáhaldi hjá heimamönnum sem hrópuðu "Meeesssi" í hvert skipti sem hann fékk boltann, enda hafði hann þá skömmu áður tekið "Maradonna"-hlaupið fræga. Stærði vallarins er yfirgengileg, þetta var skömmu fyrir kosningar á Íslandi og ég reiknaði út að völlurinn rúmaði alla kjósendur sjálfstæðisflokkins og gott betur!!

[Sigurpáll Ingibergsson, 23.12.2007 kl. 20:49]

Sæll Þorsteinn!

Gaman að þessu innleggi. Þú ert glöggur á kosningatölur!

Mér sýnist Nývangur aðeins ná að hýsa helming andstæðinga kvótakerfisins hér á landi, 18 ára og eldri!! 

En það vill nú svo skemmtielga til að ég á bókaða ferð í Barcelona í lok febrúar og hvaða leikur heldur þú að boðið verði uppá?   Jú, Barcelona - Levante! 

[Sigurpáll Ingibergsson, 24.12.2007 kl. 15:51]

Takk Axel!

Gaman að fá athugasemd frá FCB Member.  Takk fyrir upplýsingarnar um Boixos Nois. Ég hafði ekki heyrt um þá en þekkti söguna um culers. 

Verð að taka það fram að sá sem seldi mér miðann á leikinn sagði að þetta væri á besta stað. Ég tók hæfilegt mark á sölumanninum en þegar ég settist í sætið, þá var ég sammála honum. Við vorum á besta stað á leikvanginum! 

Gleðileg jól

[Gunnlaugur B Ólafsson, 24.12.2007 kl. 15:55]

Gleðileg jól, Sigurpáll.