Ásatrú - Nýr lífstíll

Í vikunni sendi ég skeyti til Þjóðskrár og tilkynnti breytingu á trúarhögum mínum. Ég skráði mig í Ásatrúfélagið.   Þetta var engin skyndiákvörðun. Mér hefur fundist þessi félagsskapur spennandi en aldrei komið því fyrr í verk að skrásetja mig. Úrsögn mín úr Þjóðkirkjunni eru ekki vegna neinnar óánægju enda stendur Kristin trú fyrir góð gildi. Ég lít á ásatrú sem sið eða lífsstíl heldur en bein trúarbrögð.

Ásatrú er forn heiðinn siður sem byggir á umburðarlindi, heiðarleika, drengskap og virðingu fyrir náttúrunni og öllu lífi. Eitt megininntak siðarins er að hver maður sé ábyrgur fyrir sjálfum sé og sínum gerðum.

Ásatrúarfélagið var formlega stofnað sumardaginn fyrsta árið 1972 og fékk viðurkenningu sem löggilt trúfélag ári síðar. Tæplega tvöþúsund manns eru í félaginu.

Tilgangur félagsins er að starfa að eflingu ásatrúar og annast þá trúarlegu þjónustu sem því er samfara. Þessu markmiði hyggst félagið ná með fræðslu- og félagsstarfi en ekki trúboði.

Nú fara jólin í að lesa um Þór og Óðinn, þetta verða spennandi jól.

 

 

 

Athugasemdir

[Mofi, 6.12.2007 kl. 13:41]

Hver er munurinn á fræðslu og trúboði?

[Særún (IP-tala skráð) 13.12.2007 kl. 20:43]

Hææ, Svo þú ætlar þér að fara trúa á þessa goða :S þrumuguði og eithvað....

vona bara að þú farir ekki að gefa augað á þér í viskubrunn eða eithvað svoleiðis !!!!

Bless í bili