Mozart eða Mannerheim

Þeir stóðu sig vel Hornfirðingarnir á móti Mosfellingum í ÚtSvari í kvöld. Eftir erfiða byrjun, þá vannst mikill leiksigur í orðaspurningunum. Samvinna Kristínar Hermannsdóttur og Sigurð Hannesson og Lenu Hrönn Marteinsdóttur var mjög góð. Leiddu Hornfirðingar því með einu stigi fyrir lokaorrustuna. Sindramenn voru óheppnir í sprengjuspurningunum.  Allir þekkja tónlist Mozarts og enginn betur en Sigrún Hjálmtýsdóttir en mjög fáir kannast við finnska hershöfðingjann Carl Gustaf Emil Mannerheim

Mosfellingar könnuðust við báða og hafði Afturelding því sigur eftir góðan endasprett, 55-75.

Yngsti bæjarstjóri landsins, Hjalti Vignisson, reyndist vinur í raun. Hann mundi eftir Kolbeini Tumasyni, Ásbirning er féll í bardaganum í Víðinesi í Hjaltadal  1208, fyrir 800 árum. Gott framtak hjá Hjalta unga.

 

Sindri - Grótta 66-48

Það var gaman að sjá endasprettinn hjá Hornfirðingum í ÚtSvari núna rétt áðan. Frábær taktík hjá Hornfirðingum og gaman að sjá þegar Sigurður Hannesson, Lena Hrönn Marteinsdóttir og Grétar Örvarsson skriðu eins og skriðjöklar úr Vatnajökli yfir Seltirninga.  Ég var búinn að afskrifa mína menn fyrir síðustu lotuna en þeir léku á skemmtilega Seltirninga.  Ég er búinn að fyrirgefa þeim að hafa klikkað á stigvélinu og álnum í leikatriðunum. Nú er bara að vona að Hornfirðingar lendi ekki á klókum Akureyringum í 16-liða úrslitum.