HK ætlar að spila með þeim bestu

Það var auðséð á leiknum í kvöld á móti Þrótti að HK ætlar að spila með þeim beztu á næstu leiktíð. Ég var meðal 1.073 áhorfenda á leiknum. Eitt prómill maður. Ari litli strákurinn minn og HK-maður var með mér. Stórsigur, sá stærsti í efstu deild staðreynd og markatalan orðin samkeppnishæf við næstu lið í deildinni.

HK fékk óskabyrjun  í leiknum. Almir Cosic skorað strax eftir þriggja mínútna leik úr aukaspyrnu. Þeir hafa æft föstu leikatriðin vel á æfingum. Sinisa Valdimar Kekic var duglegur að mata sóknar- og vængmenn HK með góðum sendingum. Hann gefur liðinu nýja vídd. Heldur boltanum vel og byggir upp. Ég ráðlagði Ara litla, að fylgjast og læra af honum. Hann gerði  það allan leikinn. Minntu sendingar hans á Dennis Bergkamp eða Kanu.

Vörnin hefur verið þétt í síðustu leikjum og er slóveninn Erdzan Beciri öflugur í hjarta varnarinnar. Á bak við þá er frábær markvörður, Gunnleifur Gunnleifsson, sem á að vera markvörður númer eitt hjá Íslenska landsliðinu. Hann varði nokkrum sinnum frábærlega í leiknum og er öryggið uppmálað. Finnur Ólafsson er drjúgur á miðjunni fyrir framan vörnina.

Annað markið kom eftir hraða sókn leik Hörður Magnússon á markvörð Þróttar. Þriðja markið  var eins og það fyrsta, úr aukaspyrnu við vítateigslínu. Skoraði Rúnar Már Sigurjónsson það æfða mark. Í blálokin skoraði hinn knái Aaron Palomares mark eftir hraða sókn. Það var líkt öðru markinu.

Tvær skiptingar voru gerðar í fyrri hálfleik vegna  slasaðra leikmanna. Markaskorarinn Almir Cosic og Finnbogi Llorens urðu fyrir hnjaski. Vonandi eru meiðsl þeirra ekki alvarleg fyrir mikilvæga leiki framundan. Það eru tólf stig eftir í pottinum og eitt stig í Fylki og fjögur í Þrótt.

13. sept. KR - HK
18. sept. HK - Grindavík
21. sept. Fjölnir - HK
27. sept. HK - Breiðablik

Þriðji sigur HK í röð

Internet Explorer 8

Hraðari, öruggari og auðveldari eru einkunarorð Beta útgáfunnar af Internet Explorer 8.

Ég velti í nokkur tíma fyrir mér hvort ég ætti að setja upp nýju Beta útgáfuna af Internet Explorer 8 upp á tölvunni heima hjá mér. Í gegnum tíðina hafa komið upp stór vandamál varðandi Microsoft Internet Explorer.  Ég tók áhættuna á kostnað forvitninnar.

Eftir að hafa sótt útgáfuna og ýtt þrisvar á Download takka til að nálgast hugbúnaðinn þá þurfti að endurræsa tölvuna. Allt tók þetta sinn tíma. Síðan komu nokkrar spurningar sem svara þurfti samviskusamlega. Þoli þær stundum ekki.

Útlitið heldur sér, það er því ekki bylting á viðmótinu sem er jákvætt. Ég er íhaldssamur og finn yfirleitt ekki neitt í fyrstu atrennu í nýju viðmóti.

Við fyrstu kynni má greina sneggri svartíma, þannig að  IE menn hafa fundið leiðir til að minnka svartíma og eflaust leyst nokkur vandamál í leiðinni.

InPrivate Browsing er ný öryggislausn hjá IE. Ef valið er að skoða vefsíður í InPrivate, þá geymir hann ekki gögn um hvað var vafrað. Þ.e. kökur,  vinnuskrár, annálar og önnur gögn. Á móti kemur að sumar vefsíður verða ekki aðgengilegar. Það er á kostnað öryggisins.

Nýjum viðbótum er haganlega fyrir komið og á ekki að vera erfitt fyrir notendur að finna þær. 

Eftir fyrstu kynni af IE8, þá hvet ég forvitna netnotendur til að uppfæra.

Hægt er að nálgast útgáfu af Internet Explorer 8 Beta 2 hér:  Download

P.s.

Það skal tekið fram að blogg þetta var skrifað í Firefox. 

Fyrsta haustlægðin á höfuðdag

Það verður ekki efnilegt veðrið næstu þrjár vikurnar ef þjóðtrúin gengur eftir.  Í dag, 29. ágúst er höfuðdagur. Hann er til minnngar um það, er Heródes konungur Antipas lét hálshöggva Jóhannes skírari að beiðni Salóme konu sinnar árið 31 e.Kr.

Fyrir ári síðan gekk þessi spá næstum eftir, það var úrkoma á höfuðdag og stóð hún nær allt haustið.

Veðurstofa Íslands hefur gefið út viðvörun vegna storms sem gengur yfir landið vestanvert í nótt og fyrramálið.  Kvöldið fór í taka saman lausa hluti af svölum og veröndinni. Haustið er komið.

Minnti á komu Keiko

Hún var flott lendingin hjá markverðinum Bjarna Frostasyni með islensku silfurhafana. Útsendingin minnti mig á komu Keiko fyrir áratug er C-17A Globemaster III flutningavélin lenti með hann í Vestmannaeyjum.

Vonandi verður stutt í næstu útsendingu með íslenskum afreksmönnum.

Landsliðið komið heim

Tvöfaldur Júkki

Verðum við ekki að taka tvöfaldan Júkka á Frakkana?

Staðan er slæm, 10-15, við verðum að vinna seinni hálfleik með 6 mörkum. Það er hægt!

Við megum ekki gefast upp. Ójafnir úrslitaleikir eru alger skandall.

Stemmingin er fín hjá þjóðinni. Ég fór í bakarí, til Reynis bakara á Dalvegi. Röðin var langt út á götu. Fyrir vikið missti ég af fyrstu mörkunum.

Ísland í 2. sæti á ÓL

Craven Cottage

Leikmenn Fulham 2004/05 frá: Kanada, Kamerún, Hollandi, USA, Skotlandi, Englandi, Wales, Frakklandi, Þýskalandi, Danmörku og Portúgal.

Það er skemmtileg útfærsla á uppruna liðsmanna á Craven Cottage, heimavelli Fulham. Þeir hengja þjóðfána hvers leikmanns upp í rjáfri á Hammersmith End stúkunni.  Ég heimsótti leikvöllinn árið 2005 en þá var Heiðar Helguson ekki gengin í raðir Fulham. Þá hefði íslenski fáninn verið uppi í rjáfri.

Ellefu fánar voru á vormánuðum 2005 og endurspeglar það hversu alþjóðlegur enski boltinn er orðinn en flóran er fjölbreyttari hjá öðrum liðum, t.d. Arsenal. Erlendum áhorfendum hefur einnig fjölgað. En ekki í sama hlutfalli og leikmenn.

Það var gaman að heimsækja Craven Cottage. Fulham spilaði ekki á leikvellinum tímabilið 2003/2004 en þá var verið að endurbyggja endastúkurnar sem kenndar eru við hverfin tvö, Hammersmith End og Putney End. Völlurinn var byggður árið 1896 og 26.000 áhorfendur og var auðvelt að fá miða. Aðkoman að leikvellinum með jarðlest er frá Putney Bridge og er nokkuð löng og bugðótt ganga eftir gróðursælum stígum meðfram Thames ánni. Það er skemmtileg ganga í góðu veðri. Þegar maður nálgast völlinn, þá heyrist söngur stuðningsmanna og gengur maður einfaldlega á hljóðið og fylgir fólkinu sem er í liðsbúningum. Glæsileg hús eru í Fulham hverfinu sem ber vott um að þar býr efnað fólk.

Fulham gegn Arsenal

 Fulham 0-3 Arsenal  19-01-2008
 Fulham 2-1 Arsenal  29-11-2006
 Fulham 0-4 Arsenal  04-03-2006
 Fulham 0-3 Arsenal  11-09-2004
 Fulham 0-1 Arsenal  09-05-2004
 Fulham 0-1 Arsenal  03-11-2002
 Fulham 1-3 Arsenal  15-09-2001

Fulham komst upp í Úrvalsdeildina árið 2001 og hefur verið þar síðan. Arsenal hefur spilað 7 leiki við Fulham og unnið 6. Því er þessi aldni litli völlur hagstæður Arsenal. Líkleg úrslit eru 0-2.
Adebayor gæti komið við sögu en hann hefur kunnað vel við sig á vellinum.

 

 

 

 

 

 

 

 

 

 

 

 

 

 

Erlendum áhorfendum hefur einnig fjölgað. Björn Guðbjörnsson og undirritaður fyrir utan Putney Stand í byrjun apríl 2005.

 

 

 

 

 

 

 

 

 

 

Fulham - Portsmouth 3-1, 3. apríl 2005. Lualua kom Portsmouth yfir en í seinni hálfleik skoruðu Cole, McBride og Boa Morte. Áhorfendur 20.502. 

Erlendir fjölmennastir í Englandi

Forsíður dagblaðanna

Það var gaman að fara yfir forsíður dagblaðanna í morgun. Handboltahetjur okkar áttu sviðið eftir frækilegan sigur á Spánverjum. Á forsíðu Moggans var stór mynd af Guðjóni Val Sigurðssyni. 24 Stundir fyglja athyglisverðu viðtali við móður Björgvins Páls Gústafssonar með forsíðumynd og Fréttablaðið bitir risa mynd af þeim félögum, Sigfúsi Sigurðssyni og Ólafi Stefánssyni í spennufalli.

Val á forsíðumynd er erfitt, þær eru svo margar hetjurnar í Peking og endurspeglar breiddina í liðinu. Ekki má heldur gleyma þeim sem starfa á bakvið tjöldin. Má þar meðal nefna fimmtánda manninn, Bjarna Fritzson, læknaliðið, þjálfarateymið og stjórnarmenn.

Nú er undirbúningur hafinn af morgunverði á morgun eftir hátíð dagsins í gær og dag. Það var gaman að sjá norsku stúlkurnar vinna gullið í handbolta í morgun. Vonandi verða okkar menn ekki saddir og verða í sömu sporum.

Það er gaman að heyra þetta markmið hjá Ólafi Stefánssyni um gullið og þjóðsönginn. Það sama gerðu íslensku bridsspilararnir í Yokohama er þeir unnu Bermúdaskálina 1991. Með því urðu þeim fyrstu heimsmeistarar Íslendinga í flokkaíþrótt.

„Ég vil fá gullið og þjóðsönginn“

Bermúdabrosið komið til Peking

Stemmingin hér á landi fyrir handboltaleik Íslendinga og Spáverja á Olympiuleikunum minnir mig á stemminguna sem var hér fyrir heimsmeistaramótið í brids 1991.  Þá flykkti þjóðina sér á bakvið bridsspilarana rétt eins og nú.  Spilagleðin er sameiginleg með báðum liðum. Jákvæðni var höfð að leiðarljósi. Eflaust muna flestir líka eftir nýjum stíl sem íslenzku spilararnir tóku upp í lokakeppninni, þar sem þeir ákváðu að brosa til andstæðinganna þrátt fyrir að eitthvað færi miður. Bermúdabrosið var það kallað. Þann 10. október 1991 voru íslendingar krýndir heimsmeistarar í brids. Það var í fyrsta skipti sem íslenskt lið í flokkaíþrótt náði þeim áfanga.  Verður sagan endurtekin á sunnudaginn? Vonandi.

Íslensku bridsspilararnir í Yokohama lærðu margt af handboltaleikmönnum en þeir höfðu farið í langar keppnisferðir erlendis og leyst mörg vandamál, andleg og líkamleg. Vonandi hafa handboltamennirnir lært eitthvað af íslenzku bridsspilurunum.

Nokkru eftir heimsmeistaramótið í Yokohama ræddi ég lengi kvölds við einn heimsmeistarann og sagði hann mér skemmtilega frá undirbúningnum og frá aðstoð sem þeir fengu er mótið var í gangi. Einn heimsfrægur spilari hvatti þá til að hugsa jákvætt til endalokana og hugsa um það þegar íslenzki þjóðsöngurinn yrði spilaður, þeir ættu að læra hann. Einnig hvatti hann spilarana um að hætta öllum vanmætti og hætta að spá í höfðatöluna. Það skipti ekki máli hvort þjóðin væri 275 þúsund eða 80 milljónir.  Aðeins  sex bestu spilararnir teldu. Hinir skiptu ekki máli. Þetta er laukrétt hjá honum. Með þessi ráð í handraðanum, jákvæðni, bjartsýni og góða spila- og sagntækni fóru Íslendingarnir alla leið.

Það verður stopp á kóðun og ráðgjöf í vinnunni meðan leikurinn verður í dag hjá Stika. En Stiki er stoltur stuðningsmaður Strákanna okkar og hefur merki fyrirtækisins komið á nokkrum auglýsingum handboltaliðsins.  Áfram Ísland.

Óhræddir og fullir tilhlökkunar

Veiðiaðferðir

Í Fiskifréttum í Viðskiptablaðinu í dag er viðtal við kapteininn og Hornfirðinginn, Ómar Fransson á línu- og  handfærabátnum Sævari SF 272. Hann segir frá makrílveiðum á handfæri. Með fréttinni fylgir mynd af bátum og eru handfærarúllurnar á mjög óhefðbundnum stað á bátnum. Þarna er verið að vinna merkiegt þróunarstarf.

Þessi frétt minnir mig á fund hjá Fiskifélagi Íslands um þróun veiðarfæra og umgengni við auðlindina, sem ég sótti í desember 2001.  Ég skrifaði pistil um fundarreynslu mína á horn.is og fylgir hann hér á eftir, en það er greinilegt að hornfirskir sjómenn eru að þróa vistvænar og umhverfisvænar makrílveiðar. Athyglisverð nýsköpun.

Veiðiaðferðir 

Í byrjun desember á síðasta ári mætti ég á fund hjá Fiskifélagi Íslands um þróun veiðarfæra og umgengni um auðlindina.  Ég hef haft mikinn áhuga á þessu efni, veiðafæratækni,  en þegar ég var togarasjómaður fyrir 15 árum vorkenndi ég fiskinum í sjónum, þurfa að glíma við þessa hrikalegu náttúruhamfarir, hlera og troll.

Einar Hreinsson hjá Netagerð Vestfjarða og Guðmundur Gunnarsson hjá Hampiðjunni héldu mjög fróðleg erindi. Spurt var hvort veiðarfærin geti valið þann fisk sem menn vilja veiða og þannig flokkað fiskinn niðri í sjónum í stað þess að flokka hann uppi á yfirborðinu

Vestfirðingurinn, Einar hristi nokkuð upp í fundarmönnum og sagði að vitneskja fiskimanna á veiðiferlinu vera afar takmarkaða, að því leyti að mjög lítið væri vitað um hvað gerist neðansjávar við fiskveiðar og að kunnátta og geta Íslendinga í fiskveiðum væri einfaldlega ekki nógu góð.
Þessi orð hans vöktu mikla athygli og ekki síst hjá skipstjórunum. Ég hef verið alinn upp í þeirri trú að við eigum besta fiskveiðistjórnunarkerfi í heimi og með mestu kunnáttu í fiskveiðum. Mér leið þarna eins og á Júróvisionkvöldi, með besta lagið að okkar mati en ekkert stig.

Ennfremur vakti mikla athygli hjá mér tafla (e. Fridman og Carrothers) sem Einar sýndi um hvernig við veiðum fisk, en þar eru 75 “mögulegar” veiðiaðferðir, notaðar eru 18 í heiminum, en við Íslendingar notumst við þrjár. Veiðiaðferðir okkar eru því fáar og einhæfar.
Taflan byggist á tveim þáttum, atferli fisks og veiðiaðferðum. Áhrifum beitt á atferli, 1)aðlöðun, 2)fráhrinding og 3)blekking. Svo eru aðferðir við að ná fiski úr vatni, a)ánetjun, b)innilokun, c)sigtun, d)kræking/stunga og e)dæling/plæing. 
Hvatti Einar ennfremur til að menn myndu þróa nýjar veiðiaðferðir og tæknigetu með opnum hug og hugsa málið frá öðru sjónarhorni, aðferðir sem við værum að nota í dag, væru kannski ekki þær bestu jafnvel ónothæfar. Fannst mér þessi ábending hans góð og sérstaklega athyglisvert að heyra þetta frá manni úr veiðarfærabransanum.

Guðmundur greindi í erindi sínu m.a. frá rannsóknum Norðmanna í veiðarfærarannsóknum en þeir eru langfremstir í heiminum í þessum efnum. Sagði frá tilraunum með að nýta lyktarskyn fisks til að veiða hann, sem og með lífræn hljóð.

Mín niðurstaða eftir fundinn var sú að það þarf að taka rannsóknir á atferli og erfðum fiska, lífríki og fiskstofnum til rækilegrar endurskoðunar. Stórefla þarf rannsóknir, byggja upp meiri þekkingu og tæknigetu,  setja landgrunnið í umhverfismat og skilgreina alveg upp á nýtt með hvaða veiðarfærum fiskurinn er veiddur. Fara eftir niðurstöðum þó kvalarfullar kunni að verða. Stefna að því að bera af á þessu sviði og selja svo rannsóknarþekkingu út um allan heim. Vísindin efla alla dáð.                                                                                                                                                                                                                                                                                                                                                                                                                                                                                                                                                                                                                                                                                           

Legg ég því til að hornfirskir sjómenn, útgerðarmenn, veiðarfæragerðarmenn eða hugvitsmenn setji sér það takmark að þróa fjórðu aðferðina fyrir Íslendinga á næstu fjórum árum.

Auk þess legg ég til að kvótakerfið í núverandi mynd verði lagt í eyði.

Krossfjöll

Eftir að hafa tekið daginn snemma með handboltaleik Íslands og Póllands var farið í góða veðrinu í dag á Krossfjöll með Útivistarræktinni.  Ekið var austur í Þrengsli, fram hjá Litla-Sandfelli sem er lítill fjallshnúkur á hægri hönd rétt hjá Geitafelli. Mosavaxin Krossfjöll eru lítt áberandi frá vegi séð enda rísa þau ekki hátt yfir umhverfið en það var vel þess virði að kynnast þeim. Nafnið er talið þannig til komið að þau mynda kross. Vegalengd 5 km. Hækkun 100 m.

Mosavaxin Krossfjöll eru flöt og var gengið á marga tinda. Gönguhópurinn var fjölmennur, 43 garpar. Gönguland ekki gott undir fót en mikið af berjum sem stoppaði fólk. Þegar toppnum var náð eftir 2,5 km göngu og 285 m sáust á einum hæðamæli, var haldið í hringferð.  Útsýni var ágætt af fjallinu og var gaman að horfa yfir helluhraunið sem var á milli okkar og Geitarfells (509 m).  Haldið var að Breiðabólstaðarseli eftir matarstopp og sáust tóftir af þrem húsum. En þar voru fráfærur, lömb skilin frá rollu og þær mjólkaðar og unnið smjör. Það var gaman að hverfa svo langt aftur í tímann. Mikið af bláberjum og aðalbláberjum var í hlíðinni fyrir ofan selið og var mikið innbyrt.   Á leiðinn að bílum heyrðum við skothvelli í kyrrðinni, gæsaveiðitímabilið hafið.

Mynd í Goole Earth. Krossfjöll eru við Þrengslaveginn. Geitafell er lengst til vinstri, síðan kemur Litla-Sandfell, svarti bletturinn. Ölfusá er yst til hægri.