Krákan

Kraken eða krákan er sæskrímsli sem dvaldi í fyrir utan strendur Íslands og Noregs.  Skrímslið var gríðarstórt, allt að 13 metrar með mörgum löngum örmum. Það gerði árásir á minni skip og sökkti þeim.

Nú er krákan komin á kreik. Hún býr ekki í sjónum við strendur okkar. Heldur býr hún djúpt í tölvukerfum heimsins. Hún gerir  árásir á tölvukerfi og sendir ruslpóst sem víðast. Hún getur sökkt illa vörðum tölvum á augabragði.

Kraken er stórt net laumuforrita (Botnet). Talið er að um 400.000 tölvur knýi það áfram. Svo telja sérfræðingar öryggisfyrirtækisins Damballa.  Talið er 50 af  500  fyrirtækjum á Fortune listanum hafi sýkst af aðgerðum Kraken og 80% af vírusvörnum þekki ekki brögð hennar. Kraken er ekkert annað en ruslpóstsendir sem knúin er af hagnaðarsjónarmiðum.  „Kapítalisminn í sinni verstu mynd“.

Slæmu fréttirnar eru þær að Kraken laumuforritanetið fer stækkandi  sé að ná Storm laumunetinu að stærð. Því fer ruslpósti fjölgandi.

Vonum að töluöryggissérfræðingar finni út meðlimi Krákunnar og komi undir lás og slá.

Dæmigerður lífsferill ruslpósts sem á uppruna sinn í laumuneti.

(1) Vefsíða ruslpóstsendanda    (2) Spammari   (3)Vélbúnaður ruslpóstsendanda

(4) Sýkt tölva   (5) Vírus eða Trojan  (6) Póstþjónn    (7) Notandi   (8) Vefumferð

 

Heimild: 

Wikipedia

SecurityProNews

Yfir milljón tölvuóværur í umferð

Brids í Suðursveit

Nú um helgina verður haldið bridgemót og hrossakjötsveisla í Þórbergssetri. Torfi Steinþórsson á Hala var milkill félagsmálafrömuður og áhugamaður um spilamennsku og gekk hann fyrir bridskeppni og hrossakjötsveislum í Suðursveit á árum áður. Afkomendur hans hafa tekið að sér að halda merkinu á lofti og halda við hefðinni.  Ég verð fjarri góðu gamni en hef fregnað að þátttaka sé góð, 40 spilarar búnir að melda sig inn.

Það var alltaf gaman að spila í Suðursveit. Þetta mót hefur rifjað upp góðar minningar frá síðustu öld.

 

Torfi Steinþórsson í keppni í Golfskála Hornafjarðar á Jólamótinu. Myndin gæti verið tekið árið 1994. Suðursveitungar mættu með fimm sveitir og öttu kappi við Hornfirðinga í skemmtilegri keppni. Sigurinn var þeirra.

Það var mikill karftur í brids á Hornafirði á þessum árum. Hápunkturinn voru Opnu Hornafjarðarótin (Jöklamótin) sem haldin voru átta sinnun á árunum 1991 til 1998 og drógu til sín sterka spilara víða af landinu enda voru glæsileg verðlaun í boði. Sýslutvímenningur var einnig spilaður. Var hann stundum spilaður á Hrollaugsstöðum. Því er þetta mót frábært framtak hjá Halafólki.

Bridslíf var öflugt í Suðursveit á þessum blómaárum. Hér er frétt úr gagnasafni Morgunblaðsins frá 14. febrúar 1996. 

Bridsfélag Suðursveitar

Síðastliðin þrjú föstudagskvöld hefur verið spiluð Bændaglíma á Hrolllaugsstöðum, er þetta helsta tvímenningsmót sem BS stendur fyrir. 10 pör mættu til leiks og var spilaður hefðbundinn tvímenningur og var meðalskor 324 stig.
Lokastaðan:

Þorsteinn Sigjónsson - Gestur Halldórsson, BH  409
Sigurpáll Ingibergss. - Valdemar Einarss., BH     374
Sverrir Guðmundss. - Gunnar P. Halldórss., BH   369
Þorbergur Bjarnason - Halldór Guðmundss., BS  337
Jón Sigfússon - Jón M. Einarsson, BS                  306

Menn kunnu að nefna bridsmót skemmtilegum nöfnum á þessum frjóu árum.  Bændaglímavar spiluð í Suðursveit. Nesjamenn höfðu Hreindýramót og Gullfiskamót.

Pride (in the Name of Love)

Early morning, April 4
Shot rings out in the Memphis sky
Free at last, they took your life
They could not take your pride

Í morgun voru 40 ár liðin síðan eldhuginn Marteinn Luther King var ráðinn af dögum.

Hljómsveitin U2 samdi lag tileinkað blökkumannaleiðtoganum og heitir það Pride (in the Name of Love). Það hefur lengi verið uppáhaldslag mitt.  Bæði hefur krafturinn í laginu höfðað til mín og boðskapurinn sem tileinkaður er MLK.

Ég var svo heppin að komast á tónleika með U2 í júní 2005, hér er stutt myndband sem ég hannaði.

 

 

40 ár frá morðinu á King

Konungur laumuforritana sleppur líklega við fangelsi

Hann er ekki gamall, aðeins 18 ára, Nýsjálendingurinn Owen Thor Walker sem er kallaður hefur verið konungur laumuforritana (Botnet).

Hann er talinn höfuðpaur í gengi sem sýkti 1.3 milljónir tölva víða um heim frá 30. janúar 2006 til 28. nóvember 2007 og hagnaðist hann töluvert af þeirri iðju.

"Konungur laumuforritana" sem gekk undir nöfnunum, "AKILL", "Snow Whyte", og "Snow Walker" hefur játað að hann hafi vitað að verknaðurinn væri ólöglegur en ekki glæpsamlegur.

Dómur fellur í málinu í lok maí en talið er líklegt að hann sleppi við fangelsi en fái sekt og þurfi að inna af hendi samfélagsþjónustu.  Ungur aldur er brotin voru framin og Asperger sjúkdómur hjálpa til við vægan dóm.

Fólk í upplýsingatækni er frekar ósátt, verði þetta niðurstaða dómsins. Telja að verið sé að senda tölvuþrjótum röng skilaboð. Það sé allt í lagi að smita tölvur með spillihugbúnaði og stela upplýsingum, refsingin sé engin.

Myndband á netöryggi.is sem útskýrir laumuforrit, (Botnet eða Zombie)

Heimild:

http://www.sophos.com/pressoffice/news/articles/2008/04/owen-walker.html?_log_from=rss