NÚNA er tækifærið

Var á baráttufundi hátækni- og sprotafyrirtækja í kvöld.  Fundurinn kallaðist „Núna“ er tækifærið því að núna er einmitt tæifærið til að hefja markvissa uppbyggingu hátækni- og sprotafyrirtækja með virku samstarfi og samstöðu stjórnvalda, stjórnenda og starfsmanna um að treysta stoðir nýsköpunar og virkja mannauðinn. Tilgangur fundarins var að efla sóknarhug og sjálfstraust.

Það tókst vel til. Stemmingin var stundum eins og á rokktónleikum. Margar kraftmiklar ræður haldnar af fulltrúum fyrirtækja og stjórnvalda. Það eru mörg tækifæri núna, mátti greina í máli fundarmanna. Flest fyrirtækin gátu bætt við sig mannskap, en á móti vildu fyrirtæki fá hluta af þróunarkostnaði endurgreiddan. Svipað og í löndunum í kringum okkur. Einnig var krafa um eðlilegt rekstrarumhverfi.

Svana Helen frá Stika sagði frá nýjum mannaráðningum og að gæða- og öryggisvottanir væru öflugt vopn í útflutningi.  Hilmar Pétursson frá CCP var fullur sjálftrausts og flutti kraftmikla ræðu um sýndarveruleikann í fjármálaheiminum og leikjaheiminum. Björk Guðmundsdóttir brýndi menn áfram og sagði frá fórnum sem leggja þarf á sig til að komast á toppinn.

Að fundinum stóðu Samtök iðnaðarins, Samtök líftæknifyrirtækja, Samtök sprotafyrirtækja, Samtök upplýsingafyrirtækja og Háskólinn í Reykjavík.

Athugasemdir

[Sirrý ( fyrrverandi skímu starfssmaður) (IP-tala skráð) 16.11.2008 kl. 08:53]

Sæll og blessaður Sigurpáll,

Ég varð nú bara að kasta á þig kveðju fyrst ég datt inn á bloggið þitt algjörlega fyrir tilviljun. Var að leita að upplýsingum um Hallgerði Langbrók og endaði hér og fannst ég eitthvað kannast við höfundinn.

Kveðja Sirrý

[Sigurpáll Ingibergsson, 18.11.2008 kl. 21:51]

Sæl og blessuð Sirrý!

Gaman að fá kveðju frá þér.  Já, ég er mikill aðdánadi Hallgerðar Langbrókar. Gisti í sumar á tjaldstæði í Fljótshlíð sem bar nafn hennar.

Skímukveðja,

  Palli