Góða ferð Flamini

Hún er orðin langdregin og leiðinleg sápusagan af Flamini og nýja samningnum. Fyrst kom kvittur  á kreik í mars um að kappinn myndi yfirgefa Vopnabúrið, síðan hefur málið dregist og nú í dag er lokadagur.

Flamini kom til Arsenal frá Marseille 23. júlí 2004 og fyrsti leikur hans var innáskipting fyrir Gilberto Silva í leik gegn Everton í 4-1 sigri á Goodison Park.
Hann notaði sömu aðferð er hann kom til Arsenal og hann notar núna. Lét samninginn renna út og hélt spilum sínum þétt að sér. Eflaust góður pókerspilari með mikið sjálfstraust.

Hann gekk ekki beint inn í ósnertanlegt lið Arsenal. Hann þurfti að sanna sig. Fyrsta tímabilið hóf hann þó leik níu sinnum og kom inná í tólf leikjum.

Leikmaður númer 16, Flamini var kynntur til sögunnar á sama tíma og Cesc Fabregas.  Ég man eftir því að hafa lent í viðtali árið 2005 á Skjá Sport í þættinum Liðið mitt er Böðvar Bergsson stjórnaði
Þar var ég beðin um að leggja mat á nýju leikmennina tvo sem voru að brjóta sér leið inn í Arsenal-liðið.  Ég spáði Fabregas miklum frama og að hann ætti eftir að verða stórstjarna. En Flamini væri svona Grimandi týpa.
Þannig mátum við Flamini í lok árs 2005.  Grimandi týpa er leikmaður sem hægt er að nota víða á velli og er ekki stórstjarna. Lætur verkin tala og vinnur verkin hægt og hljótt. "Unsung hero", kallar Tjallin þessa leikmenn, nauðsynlegir í öllum liðum. 

Þessi orð voru höfð eftir Wenger fyrir rúmum mánuði.
„Samvinna þeirra Fabregas og Flamini er sú besta sem ég hef kynnst hjá Arsenal. Þeir hafa báðir afburða tækni og eru hreyfanlegir. Kannski má segja að þeir séu ekki jafn líkamlega sterkir og Vieira og Flamini en skilningur þeirra á leiknum er til fyrirmyndar og þeir bakka hvorn annan upp einstaklega vel.“

Flamini stóð vaktina frábærlega í vinstri bakverði og hjálpaði Arsenal alla leið i úrslitaleik Meistaradeildar Evrópu.  Flamini kom inná fyrir Fabregas í úrslitaleiknum geng Barcelona. Ekki ætla ég að kenna skiptingunni um tapið en tvö mörk komu í ljós hjá Barcelona skömmu eftir skiptin. En franska stoltið sagði svo til sín. Hann neitaði að spila vinstra meginn í vörninni.

Í byrjun síðasta keppnistímabils leit út fyrir að Flamini færi frá Arsenal og myndi kaupa upp samninginn. Eftir góðan fund ákvað hann að verða um kyrrt og bíta á jaxlinn. Hann kom fílefldur inn í þetta keppnistímabil og var stálið á miðjunni með Fabregas. Fyrirliði Brasilíumanna, Gilberto Silva hafði fyrir vikið sætaskipti við hann á varamannabekknum.

Flamini kom mikið við sögu í fyrsta leiknum sem ég sá á Emirates við Wigan í febrúar 2007.  Leikmaðurinn þindarlausi kom inná um miðjan seinni hálfleik, á 67. mínútu en Wigan leiddi leikinn og það stefndi í fyrsta tapið á Emirates.
Skyndilega kom stungusending inn fyrir vörn Arsenal og hinn tröllvaxni Heskey fékk boltann. Flamini veitti honum eftirför og slengdi hönd í öxl sóknarmannsins þegar þeir voru komnir inn í vítateig. Heskey féll við, eins og  hann hefði verið skotinn.
Dómarinn lét leikinn fljóta áfram. Boltinn barst til markvarðarins, Lehmann's sem skipti um kant með því að henda knettinum til hægri.  Sending kom áfram og hver haldið þið að sé mættur hægra meginn á miðjuna. Jú, leikmaður númer 16, Flamini.
Hann er örlítið fyrir innan vörn Wigan sem hafði varist vel er hann fékk boltann og sending fyrir markið frá honum orsakaði sjálfsmark hjá Hall á 81. mínútu.  Fyrsta tapinu á Emirates var afstýrt. Þökk sé Flamini. Nokkru síðar skoraði Rosicky sitt fyrsta deildarmark og tryggði stigin þrjú.

En það kemur maður í manns stað.  Líklega fer Gilberto í sumar. Denilson og Song  eru kandídatar en etv. verður kíkt á markaðinn og verslað eitthvað meira en efnilegt efni.

Góða ferð Flamini og gangi þér vel á varnarsinnaðri Ítalíu. Hafðu þökk fyrir 153 leiki og átta mörk.

Í dag er leikur Arsenal og Everton, skyldi síðasti heimaleikur Flamini hjá Arsenal enda 4-1?

Flamini sagður vera búinn að semja við AC Milan

Athugasemdir

[Jón Halldór Guðmundsson, 4.5.2008 kl. 12:40]

Mér finnst að botninn hafi dottið úr Fabregas seinni hluta tímabilsins. Van Persie er ekki búinn að ná fyrri skerpu eftir meiðslin, en Flamini er alltaf þéttur og drjúgur.

Hann er vanmetinn fótboltamaður og frábær pókerspilari! 

[Sigurpáll Ingibergsson, 4.5.2008 kl. 12:47]

Það er rétt hjá þér Jón.  Snúningspunkturinn hjá Fabregas var þegar hann varð vitni að hinu hræðilega fótbroti Eduardo í leik gegn Birmingham. Hann missti alla leikgleði eftir þann gjörning.

[Grjoni (IP-tala skráð) 5.5.2008 kl. 12:15]

Mu er malid, en herna er an efa flottasta mark sem hefur verid skorad i Danaveldi.

 http://www.youtube.com/watch?v=FDLt6mH2oY0

Ekki amarlegt hja Austfirdingnum, en lek hann einhvern tima med Sindra ?

Kvedja fra Køben 

[Sigurpáll Ingibergsson, 5.5.2008 kl. 12:51]

Sæll Sigurjón!

Þetta er ekki neitt smámark hjá Stefáni Gíslasyni.  Stefán lék ekki fyrir Sindra, en eflaust nokkrum sinnum gegn Sindra. Hann er Eskfirðingur og spilaði með Austra frá Eskifirði.

Svo spilaði hann með ungliðum Arsenal. Þar hefur hann lært þetta, eflaust af Henry, Kanu eða Bergkamp!

Faðir hans er Gísli Stefánsson og spilaði bridge. http://www.bridge.is/meistarastig/klub7102.html 

[Grjoni (IP-tala skráð) 5.5.2008 kl. 13:37]

Sæll Sigur

    Hann er ad gera mjog goda hluti hja Brøndby og hann vard fljotlega gerdur ad fyrirlida. Allt annad sja til lidsins eftir tilkomu hans .Thad for mikid fyrir thessu marki i donsku fjolmidlunum . Kappinn hefur studerad Ronaldo og Tevez.

Mikid rett pabbi hans spiladi i bridsfelag Reydifjardar og Eskifjardar, en eg spiladi einn vetur i felaginu. Thad var gridarlegur ahugi a briddsi fyrir austan  og  uti a sjo var oft hægt stilla upp tveimur sveitum.

Kvedja  Grjoni

[Sigurpáll Ingibergsson, 5.5.2008 kl. 13:46]

Sæll Sigurjón!

Hverjir eru þessir Ronaldo og Tevez?

[Grjoni (IP-tala skráð) 5.5.2008 kl. 14:22]

Sæll

Mu er malid....sa leikinn a briddshatidinni...thad er klassamunur a lidunum, en Arsenal er efnilegt lid, en....

http://www.youtube.com/watch?v=cGM2r8gb2Qo

Arsenal fanid Isak var heldur thungmannalegur eftir leikinn.

Kvedja Grjoni