Heilsaði Ólafi Friðrik

Á fimmtudaginn var ég að rifja það upp við félaga mína að Ólafur Friðrik Magnússon er eini borgarstjórinn í Reykjavík sem ég hef náð að heilsa með handarbandi. Ég hitti hann niðri í Aðalstræti, höfuðstöðvum Frjálslynda flokksins í afmælisteiti snemma á öldinni.

Í DV í dag er greining á Ólafi borgarstjóra, eins og í öllum öðrum dagblöðum landsins. Í upptalningunni segir:

"Hegðun Ólafs hefur á stundum vakið furðu manna. Hann er sýklahræddur og til vitnis um það forðast hann að taka í höndina á fólki til þess að forðast sýkla."

Ég get ekki tekið undir þessi orð DV. Ólafur var hinn glaðasti er ég hitti hann og hann sóttist frekar eftir að heilsa mér heldur en hitt. Því kemur þetta mér á óvart. En þess ber að taka fram að ég er mikill snyrtipinni.

 

Athugasemdir

[Jón Halldór Guðmundsson, 28.1.2008 kl. 19:43]

Til hamingju með handtakið, Palli.  Væntanlega hefur þú ekki þvegið þér í viku?

[Sigurpáll Ingibergsson, 28.1.2008 kl. 23:43]

Ég áttaði mig nú ekki á því að þarna væri verðandi borgarstjóri. Hefði ég vitað það, þá hefði ég gert eins og Bjarni Fel gerði eitt sinn er hann skoraði með skalla fyrir KR. Hann setti plastpoka á hausinn þegar hann fór í sturtuna til að þvo ekki burtu boltafarið á enninu.

Ég skolaði hendurnar stuttu síðar!