35 ár frá eldgosi í Vestmannaeyjum

Hvar varst þú 23. janúar 1973, fyrir 35 árum?

Þetta er einn af þeim dögum sem mér hefur ekki liðið úr minni. Ég var að verða átta ára og man hvernig veðrið var á Hornafirði dag þennan.  Það var þokusúld og milt veður. Fyrstu fréttir í morgunsárið voru magnaðar og þjóðin fylgdist vel með.

Þó ég þekki söguna vel um náttúruhamfarirnar í Vestmannaeyjum, þá finnst mér alltaf gaman að rifja dag þennan upp. Ég ætla að horfa í þrjátíuogfimmta sinn í röð á þátt um gosið í Eyjum á eftir. Þetta verður nostalgískur þáttur.

Svo heyrist mér Íslendingar loksins vera að gjósa á móti Ungverjum í handboltanum, 22-19 fyrir Eyjamenn! 

Athugasemdir

[Helga R. Einarsdóttir, 23.1.2008 kl. 20:22]

Ég vaknaði fyrir átta við að S.K. hringdi og sagði mér að opna útvarpið.

Hann var farinn í vinnu en ég svaf vært heima. Var á þeim árum aðallega heimavinnandi húsmóðir, sem hljóp í aukavaktir í Fossnesti. kv.