Sá hlær bezt sem síðast hlær

Þegar ég heyrði tilkynninguna um íþróttamann ársins 2007 í gærkveldi hvarflaði hugurinn til uppskeruhátíðar knattkvenna í sumar. Mikið hefur þeim liðið illa í gærkveldi sem stóðu að smölun á atkvæðum í kjöri leikmanns ársins. Þar var klárlega bezti leikmaðurinn sniðgenginn.  Kannski var sá ósigur lykilinn að sigrinum í gærkveldi.

Niðurstaðan er glæsileg. Til hamingju Eyjamenn. Til lukku Margrét Lára Viðarsdóttir

Margrét Lára íþróttamaður ársins

Athugasemdir

[Sigurpáll Ingibergsson, 31.12.2007 kl. 14:10]

Sæll Sigfús Már!

Þetta var glannalega orðað hjá Þorsteini íþróttafréttaformanni. Ég held að toppurinn sé orðinn svo jafn. Við eigum  íþróttamenn í bestu liðum heims og einstaklingar hafa náð mjög langt. Toppaleysið virðist vera í mörgum greinum. T.d. í tónlist og kvikmyndum þar fannst mönnum árið flatt.  Hestamenn og Sigurbjörn Bárðarson unnu titilinn árið 1993. Það sýnir að menn hafa litið á hestaíþróttir sem íþrótt.

Gleðilegt nýtt ár.