Virkni hugbúnaðar

Það var fróðlegur hádegisfyrirlestur sem ég var á í Háskóla Reykjavíkur í gær. Pétur Orri Sæmundsen frá Sprett fjallaði um Agile og kröfur.

Agile samfélagið á Íslandi er að gera góða hluti í að breiða út agile hugmyndir og aðferðir í hugbúnaðarþróun. Trú þeirra er að kvik aðferðafræði margfaldi árangur og skilvirkni í hugbúnaðarverkefnum. Einnig að aðferðin verði sjálfgefin í allri hugbúnaðarþróun innan fárra ára.

Eitt af lykilatriðum í kvikri hugbúnaðarþróun lágmarka breytingar. Ná öllu rétt í fyrsta skipti. Til þess þarf að farmkvæma kröfugreiningu, forgangsraða kröfum og hafa góð samskipti milli viðskiptavins og þróunarteymis.

Það var merkilegt að sjá rannsóknarniðurstöðu Standish Group um virkni (feature) í kerfi eða forriti.

•   45%  Aldei notuð
•   19%  Sjaldan
•   16%  Stundum
•   13%  Oft
•     7%  Alltaf

20% af virkni forrita er því oft eða alltaf notuð, 64% sjaldan eða aldrei.  Það bendir til að viðskiptavinurinn hafi farið offari í hugarfluginu.  Gott dæmi um forrit sem þetta gildir um er Word.

Hvað notar þú lesandi góður mikið af virkni Word?

Agile byggir á samskiptum. Sálfræðin er komin í hugbúnaðargerð.

  

Athugasemdir

[krossgata, 9.8.2007 kl. 10:20]

Er þá markmiðið að 80-100% af virkni forrits sé oft eða alltaf notuð?  Er það endilega slæmt að einhver hluti forrits sé ekki notaður?  Til dæmis MS Word, ég nota afar sjaldan Track changes - en það kemur fyrir og alveg ágætt að hafa þá virkni í hugbúnaðinum.  Rétt eins og ég á naglbít í verkfæraskúffunni heima, en nota hann afar sjaldan, gott að eiga hann þegar á þarf að halda.

Annars er það nú svo að það er alveg ágætt að líta á málin frá sem flestum sjónarhornum.  Mun örugglega gera hugbúnaðinn betri.  Það kemur nú líklega samt í ljós að það er mismunandi eftir hópum, störfum og/eða verkefnum hvaða hlutar forrita eru mest notaðir.  Mér virðist að það sé hæglega hægt að enda í skrilljón útgáfum af sama forriti til að mæta þörf hvers hóps fyrir sig.  Word fyrir blaðamenn, Word fyrir endurskoðendur, Word fyrir miðstigs grunnskólanema, Word fyrir trésmiði.... osfrv.

[Sigurpáll Ingibergsson, 9.8.2007 kl. 10:49]

Góð pæling krossgáta.  Word er etv. ekki gott dæmi, það gilda önnur viðskiptamódel um Microsoft forrit.

En 2/3 af kröfum í Word eru sóun. Það væri hægt að komast af með minni pakka, léttari í keyrslu og ódýrari. Hugbúnaðarþróun er kostnaðarsöm og það sem gerir hana kostnaðarsama eru breytingar og endurvinna. Þetta er spurning um skilvirkni.

[Sigurpáll Ingibergsson, 9.8.2007 kl. 10:55]

Smekklegasta lausnin og framtíðarsýnin fyrir ritvinnslu er að nota vafrarann. Rétt eins og þegar þú ert að blogga. Ef maður þarf að nota nýja virkni, t.d. Track changes eins og þú bendir á, þá sækir forritið viðbætur í gegnum Netið. Það væru til einingar sem þú raðar saman og þannig smíðar þú þitt eigið Word!

[krossgata, 9.8.2007 kl. 12:46]

Það er áhugaverð lausn, sækja eftir þörfum og geta þá skilað eftir notkun þætti mér gott.  Bókasafnsstílinn á þetta. 

[Sigurpáll Ingibergsson, 9.8.2007 kl. 15:43]

Sá þessa frétt á visir.is áðan.  Hér hafa kröfur breyst.

Stór hluti ratsjárkerfisins gagnslaus 

Íslendingar hafa ekkert gagn af stórum hluta þeirra upplýsinga sem ratsjárkerfið hér á landi skilar. Eins og staðan er í dag nýtist ekkert sá hluti kerfisins sem Bandaríkjamenn notuðu til þess að hafa eftirlit með ferðum ókunnra véla við landið. Því er spursmál hvort Íslendingar hafa eitthvað að gera við að halda þeim hluta kerfisins gangandi. Með ærnum tilkostnaði.