Sjóarinn síkáti

Þegar ég var úngur var sjómannadagurinn einn helzti dagurinn á Hornafirði. Þá var hægt að fara í siglingu út fyrir Ós og fá karamellur á Hóteltúninu ofan af himnum. Þegar ég var togarasjómaður var þetta æðisti dagur ársins. Heilagur dagur.

Eftir að maður fór í sollinn, þá hefur vægi dagsins minnkað í huganum, ekki eins mikill ljómi eins og sést á útgerðarbænum Akureyri.  En nú var ákveðið að bjóða familíunni í óvissuferð.

Sjóarinn síkáti er frábært framtak hjá Grindvíkingum. Þar er boðið upp á fjölbreytta fjölskylduskemmtun og minnir mig á Fiskidaginn mikla í Dalvík. T.d. ókeypis í leiktæki fyrir krakka, ekkert peningaplokk. En það hefur loðað við bæjarhátíðir að þær eru frekar til fjársins.

Bræla var þó á hátíðinni í dag, suðaustan 17 m/s og 12 stiga hiti. Grindavík er berskjölduð fyrir vindáttinni. Því var færra fólk mætt en hátíðin átti skilið.

Flest atriðin voru við Saltfisksetrið, flott safn sem maður á eftir að heimsækja í góðu tómi. Eftir að hafa hlustað á setningu hátíðarinnar og sent krakkana í leiktæki var haldið í næstu vík.

Endaði daginn í Keflavík hjá Jóni Inga og Dröfn í hornfirsku sjómannakaffi.  

Athugasemdir

[Hornið (IP-tala skráð) 5.6.2007 kl. 12:50]

Sæll

 http://www.sth.is/mynd2.jpg

[Grjoni (IP-tala skráð) 5.6.2007 kl. 12:57]

Sæll aftur

 Thad datt ut textinn hja mer. Sendi ther webcam af Hornafirdi, en eg se engan bat! Eg mann thegar kom thangad a færeyskum linubat ( rett i lok sidustu aldar) tha var idandi mannlif tharna.

Kvedja Grjoni  

[Sigurpáll Ingibergsson, 10.6.2007 kl. 22:34]

Takk Grjóni.

Fínt að fylgjast með bryggjustemmingunni. Það hefur róast yfir Hornafjarðarhöfn. Það má skrifa það á kvótakerfið!