Lærum snjóruðning af Týrolbúum - Brenner-skarð

Það fyrsta sem þarf að gera er að breyta lögum og leyfa Vegagerðinni og/eða Björgunarsveitum að fjarlægja yfirgefna bíla sem stoppa hreinsunarstarf. Það næsta er að læra af Týrolbúum.

Brenner-skarð - Brenner Pass "Bridge of Europe"

Ég átti leið um Brenner-skarð í júli og þegar ég áttaði mig á mannvirkinu, hraðbrautinni sem er 49,1 km brú þá fannst mér stærstu brúarmannvirki á Íslandi agnarsmá í samanburði. Brenner-skarð er fjallvegur milli Ítalíu og Austurríkis í Ölpunum í gegnum Norður og Suður Týrol.

Á einum stað var farið yfir lítið fjallaþorp í dal einum og tæpir 200 metrar niður. Þá fannst mér Brennerbrúin mikilfengleg. Þar er brúarhandriðið svo hátt uppi að sundlar alla fugla er á setjast.

Framkvæmdir hófust árið 1959 og lauk 1963. Lest gengur einnig yfir skarðið og mannvirkið þekkt fyrir að vera hátt upp án jarðgangna.

Það snjóar í 1.370 metrum. Snjóruðningur er vel þróaður og koma fjórir snjóplógar og taka alla brautina. Þegar þeir koma í næsta svæði, þá taka næstu við og svo koll af kolli.
Getum við eitthvað lært af Týrolbúum við snjóruðning á Reykjanesbraut og Hellisheiði?

Brúin var ekki hönnuð fyrir þungaflutninga sem eru í dag. Ef það verður óhapp og umferð stoppar, þá er löng röð af trukkum sem bíða á brúnni. Það er helsta ógnin í dag,
að brúin hrynji. Því er verið að leggja leið fyrir flutninga- og farþegalestir. Jarðgöngin verða 64 km. Brenner Base Tunnel (BBT) sem opna 2032.

Það þriðja: Þegar upplýsingar um Brenner-skarð eru skoðaðar þá er það fyrsta sem kemur er sektir ef bílar eru ekki á vetrardekkjum eða keðjum. Það eru allt of léttvægar sektir ef fólk er á sumardekkjum í snjóstormi hér á landi.

Þrír snjóplógar sem hreinsa hraðbrautina. Þeir skipta hraðbrautinni niður í hólf. Þannig að þessir sjá um hluta af leiðinni.

„Hvernig ætlum við að bregðast við“

Athugasemdir

[Sigurgeir Árnason (IP-tala skráð) 22.12.2022 kl. 12:03]

Að sjálfsögðu eiga að vera 3 snjóplógar hver á eftir öðrum á Reykjanesbrautinni, þannig að aldrei skafi af fyrsta ruðningnum eins og gerist þegar einn bíll er í mokstri eins og gerðist á laugardaginn er ég fór til R.víkur þá var einn bíll í mokstri og ruðningurinn af honum myndaði snjófyrirstöðu er bjó til fyrirstöðu sem safnaði að sér meiri snjó og olli meiri ófærð en þurfti að myndast. Ef bílafjöldi er 25000 bílar á dag á Reykjanesbrautinni er ríkið að fá gjöld af ca. 100.000 lítrum á dag sem mun vera einhverjar milljónir það er ekki hægt að hafa samúð með Vegagerðinni vegna fjársvelti,innkoman af eldsneyti er það mikil að nægir fjármunir eiga að vera til að annast snjómokstur og sæmilegt viðhald á veginum án kinnroða.Dýralæknarnir þurfa að bretta upp ermarnar og taka hlutina alvarlega.