Kópavogsliðin með yfirburði í yngri flokkum

Var að koma af úrslitaleik í Íslandsmótinu í 4. flokk á Kópavogsvelli. Það var hörku leikur milli nágrannana í Kópavogi, HK og Breiðabliks. Þeir grænklæddu uppskáru verðskuldaðan sigur í ágætis leik.

Í gær  sá ég leik sömu liða í undanúrslitum 3. flokks á Smárahvammsvelli. Þar snerust úrslitin við og komur HK menn í úrslitaleikinn. Þeir spila um helgina við Breiðablik 2 en þeir lögðu Víkinga í hinum undanúrslitaleiknum.

Í 5. flokki gekk Kópavogsliðum ágætlega. Einnig í flokkunum þar fyrir neðan. En hver skyldi ástæðan vera. Eflaust eru frábærar aðstæður til knattspyrnuiðkunar að skila sér í góðum árangri. Til eru tvær knattspyrnuhallir í Kópavogi, Fífan og Kórinn og einnig góð aðstaða fyrir félögin, HK og Breiðablik. Ekki má gleyma að þjálfarar eru færir í sínu fagi.

Gott dæmi um mun á aðstæðum er þegar Gylfi Þór Sigurðsson fór frá FH yfir til Breiðabliks þegar hann var táningur en hann stefndi hátt og aðstæður voru betri í Kópavogi en Hafnarfirði. Nú er Breiðablik að uppskera ríkulega fyrir knattspyrnumanninn. Þegar Gylfi fór fyrir mikinn pening frá Reading til Hoffenheim fékk Breiðablik yfir 100 milljónir á sinn reikning. FH og Breiðablik skiptu svo uppeldisupphæðinni á milli sín, 10 milljónum á félag.

Það er gott að spila fótbolta í Kópavogi.

 

Blikur á lofti í úrslitaleik HK og Breiðabliks í 4. flokki við frábærar aðstæður á Kópavogsvelli.

Athugasemdir

[Baddi (IP-tala skráð) 12.9.2010 kl. 11:51]

Rétt er það hjá þér, aðstaða og góðir þjálfarar. Þú gleymir samt stórum þætti í þessum árangri en það er staðreyndin að gríðarlega fjölmennir flokkar innihalda oft fleiri efnilega krakka. Sú er staðreyndin a.m.k. hjá Breiðablik.

[Reykvíkingur (IP-tala skráð) 12.9.2010 kl. 12:10]

Það er miklu betur búið að íþróttafélögum en í Reykjavík samt er staða borgarinnar mun betri en í Kóp sem sligar allt bæjarfélagið.

[Sigurpáll Ingibergsson, 12.9.2010 kl. 17:11]

Það hefur tekist vel að halda um efnilega krakka í Kópavogi. Vissulega eiga nágrannarnir í Reykjavík fjölmenna flokka en ekki náð að sama árangri og Breiðablik og HK. Einnig er gaman að sjá hve vel gengur hjá Breiðablik að nýta ungu og efnilegu íþróttamennina í meistaraflokkum. Á það við í karla og kvennaflokki. HK er að marka sömu stefnu.

Varðandi rekstur bæjarfélagsins, Kópavogs þá er það á válista hjá Eftirlitsnefnd sveitarfélaga. Nokkur sveitarfélög hafa skuldsett sig fram úr hófi í góðærinu í stað þess að safna í sjóði eða greiða niður skuldir. Kópavogur er eitt af þeim. Reykjavík kemur betur út í samanburðinum en ef B-hluti rekstrarreiknings kemur inní, þá er staðan svört en Orkuveitan er afar illa stödd.