He comes from Senegal

Það þýðir ekkert annað en að vera bjartsýnn. Þessi söngur var oft sunginn á Highbury.

He comes from Senegal
He plays for Arsenal
Vieira, o o o o oh Vieira (etc.)

Ég hlakka til að sjá Paddy spila á Emirates í apríl komandi. Vieira var uppáhaldsleikmaður minn og margra annarra Arsenal-manna.

Mér er alltaf minnisstæður fyrsti leikurinn sem hann spilað fyrir Arsenal. Man meira að segja hvar ég horfði á leikinn. Við í Skæ-klúbbnum höfðum aðstöðu í Golfskálanum á Hornafirði og sáum leiki í gegnum kapalinn. Einhver Wenger hafði verið ráðinn stjóri og með honum fylgdu tveir leikmenn, Garde og Vieira. Hvað var að gerast hjá mínum mönnum?

Leikið var heima við Sheffield Wednesday á köldu miðvikudagskvöldi  um miðjan september 1996. Vindurinn gnauaði um skálann.  Félagi Einar Jóhannes og Stebbi kokkur voru mættir. Einhverjir fleiri fylgdust með. Arsenal átti í vök að verjast í upphafi leiks. Miðvikudagsmennirnir komust verðskuldað yfir með marki frá Booth. Eitthvað varð að gera. Parlour var tekinn útaf og inná kom einhver Patrick Vieira. Þá höfðu 28 mínútur liðið af leiknum.

Eftir þessa skiptingu snerist leikurinn við. Öryggi færðist yfir leik Skyttnanna og allt stoppaði á Vieira. Allar sóknir hófust hjá Vieira. Í síðari hálfleik komu fjögur mörk og gerði Wright þrjú, Plattarinn potaði einu. Nýtt tímabil var hafið hjá Arsenal.

Vieira: Við getum unnið deildina

Athugasemdir

[Brynjar Atli (IP-tala skráð) 8.1.2010 kl. 18:12]

Góð saga!

Var sjálfur í Englandi árið eftir (1997) og vann þar á hóteli í bæ norðan við London, St. Albans heitir hann. Það reyndist vera aðal bækistöðvar Arsenal liðsins á þeim tíma en þar sem ég hafði ekkert fylgst með boltanum vissi ég ekkert hvaða menn ég var að þjóna þarna. En á hverjum morgni kom þessi stóri virðulegi svarti maður og fékk eina appelsínu hjá mér þegar ég var að setja upp morgunverðar borðið... það reyndist vera Viera! Mjög kammó en talaði mjög takmarkaða ensku á þessum tíma þannig að samskipti okkar voru ekki upp á marga fiska.

Að sjálfsögði er ég Arsenal aðdándi nr 1 í dag og mikill aðdáandi Viera!

Kveðja Brynjar Atli (Egilsstöðum)

[Sigurpáll Ingibergsson, 8.1.2010 kl. 21:30]

Sæll Bryjnar!

Það var gaman að heyra þetta. Ein appelsína, það er trikkið...

[Guðmundur Júlíusson, 8.1.2010 kl. 22:08]

Sælir félagar, er mikill Gunners aðdáand og vona að mínir menn séu á uppleið eftir hikst í vetur, en ég er alls ekki á því að vera að mæra fyrrverandi félaga, og þá meina ég ef þeir snúa aftur í ensku deildina í annað lið en okkar, svoleiðis gerir maður ekki, maður heldur þessum góðu minningum fyrir sjálfan sig og púar á Viera og hans Man City lið eins og það leggur sig !!!

[Óli blaðasali (IP-tala skráð) 9.1.2010 kl. 05:25]

Það segir sitthvað um þig.