Norðmenn geta komist á HM

Eru hinir miklu íþróttablaðamenn Morgunblaðsins að klikka?

Í fréttinni stendur: "Norðmenn eru með 7 stig og ljóst að þeir fara ekki í umspil fyrir HM, enda eiga þeir ekki meira erindi þangað en lið Íslands miðað við leik liðanna í kvöld."

Mér sýnist Norðmenn eiga möguleika á að komast í umspil. Ef þeir vinna Makedóníu og Hollendingar halda sigurgöngu sinni áfram, þá verða Skotland og Noregur jöfn að stigum. Bæði verða með 10 stig. Norðmenn hafa þá bæði betri markatölu og einnig koma þeir betur úr innbyrðis viðureignum.

Hins vegar er það rétt hjá hinum miklu blaðamönnum Moggans. Norðmenn eiga ekkert erindi á HM.

Staðan fyrir síðustu umferð:

 

Leikir á miðvikudaginn, 9. september:

Skotland - Holland

Noregur - Makedónía

Skemmtileg staða getur einnig komið upp, vinni Makedónía Noreg og Hollendingar standa sína pligt. Þá verða Makedónía og Skotland með 10 stig. 

Norðmenn sluppu fyrir horn

Athugasemdir

[Atli Jóhann Guðbjörnsson (IP-tala skráð) 6.9.2009 kl. 12:28]

Þeir eru ekki að fara með rangt mál hjá mogganum, liðin sem eru í 2.sæti í öllum hinum riðlunum eru með 12 stig eða meira, riðlarnir eru 9 en einungis þau 8 lið sem fá flest stig í 2.sæti komast í umspil og norðmenn ná því miður ekki í umspil þótt þeir nái 2.sæti :)

[Torfi Stefánsson (IP-tala skráð) 6.9.2009 kl. 14:14]

Þetta er ekki rétt hjá þér Atli. Norðmenn hafa enn fræðilegan möguleika á að komast áfram þar sem liðin í hinum riðlunum leika tveimum leikjum meira en gert er í okkar riðli. Því eru þau stig sem fengust gegn neðsta liðinu, dregin af í hinum riðlunum (mögulega alls sex stig).

Norðmenn eiga þannig fræðilegan möguleika á að komast áfram á kostnað liðanna í 3. riðli (Norður-Írum, Pólverjum eða Tékkum).Annars skil ég ekki alveg ánægju manna með leik íslenska liðsins og tal um að Óli þjálfari sé á réttri leið með liðið. Ísland hafnaði í neðsta sæti riðilsins, ekki satt? Og lið sem á þennan fjölda af dauðafærum en skorar ekki, getur varla kallast sannfærandi.Menn eins og Emil Hallfreðsson og Heiðar Helguson sönnuðu með klúðri sínu í leiknum að menn sem ekki eru í leikæfingu hafa ekkert að gera í svona keppni - og eiga því alls ekki að vera valdir í liðið. Sama má segja um Brynjar Björn, sem hefur séð sólu sína fegurri en nú. Þjálfari sem velur þessa menn í landslið sýnir að hann er ekki á réttri leið með það - þó svo að honum takist að peppa menn upp í að eyðileggja möguleika bræðraþjóðar okkar. Já Þórðargleði Íslendinga er söm við sig!

[Emil Hannes Valgeirsson, 6.9.2009 kl. 16:14]

Ég held að okkur skorti fremur góða fótboltamenn frekar góða þjálfara sem alltaf er kennt um allt. Það er reyndar langt síðan maður hefur séð íslenska landsliðið sundurspila andstæðinginn eins og í gær, en að sparka bolta rétt í netið er eitthvað sem leikmenn eiga að hafa á valdi sínu hvort sem þeir eru í leikæfingu eða ekki og erfitt að skrifa það á þjálfarann.