Eiður á flottum Nou Camp árið 2011

Hann verður glæsilegur El Classico leikurinn árið 2011  þegar búið verður að endurbyggja Nou Camp.  Völlurinn verður stækkaður og mun taka 106.000 manns í sæti. Auk þess verða innviðir teknir í gegn.  Eiður Smári á eftir að sóma sér vel þar. Það eru hinir öflugu hönnuðir Norman Foster + félagar  sem sjá um hönnunina.  Ákvörðunin um þessar breytingar var tekin árið 2007 og tillögur kynntar á 50 ára afmæli vallarins. Kostnaður er áætlaður 250 milljónir Evra, nýjum gjaldmiðli Íslendinga og mun ég ekki umbreyta í krónur.

Ég var á leik Barcelona og Levante í febrúar á þessu ári og sá Eið hita upp í 25 mínútur. Ég get tekið undir það að leikvangurinn má fá upplyftingu. Þessar hugmyndir líta vel út.

Nú verður maður að setja upp Barcelona húfuna sem ber númerið 7 áður en farið verður á Players. Það þarf að bæta fyrir úrslitin í Middlesborough í dag.

 

 

 

 

 

 

 

 

 

 

 

 

 

Mósaíkáhrifa Gaudi gætir við hönnunina.

Eiður Smári í byrjunarliði Barcelona

Athugasemdir

[Þorsteinn Sverrisson, 14.12.2008 kl. 19:52]

Já þeir eru stórhuga Börsungar. Mér þótti nú leikvangurinn nógu stór fyrir. Þetta er glæsileg hönnun og vonandi setur kreppan ekki strik í reikninginn.

[Jóhannes Einarsson, 16.12.2008 kl. 10:14]

Þetta er eins og nammibox. Við skulum bara vona að það sé ekkert Portus Group þeirra spanjóla sem ætlar að fjármagna dæmið. Þá munu þeir fá svona " Tónlistarhús " eða Ground Zero eins og Bjöggi vesalingurinn ætlaði að "gefa" okkur og ginnungagapið það mun lengi gapa framaní okkur heild ég. Er ekki allur byggingaiðnaður ofaní kaupið í kalda koli á Spáni líka ?

Kíkti aðeins á El Classico, Eiður var óheppinn með nokkrar sendingar sem næstum rötuðu á tærnar á þeim félögum, og þó allt sé hey í harðindum þá er mikið skelfing leiðinlegt að horfa á þetta í lélegri upplausn á 14 tommunum.