KB-banki og katarski boltinn

Heyrði í viðskiptafréttum í dag að katarskir fjárfestar hefðu hug á að kaup hlut í KB-banka. Sigurður Einarsson, stjórnarformaður hefur verið í viðræðum við fjárfesta í ríkjum við Persaflóa. En þeir Kaupþingsbankamenn ráðast ekki á garðinn þar sem hann er lægstur. Því uppspretta auðs er um þessar stundir í Miðausturlöndum og í Kína.

Það er sagt að leiðin að hjarta mannsins liggi gegnum magann? Má þá ekki segja að leiðin að auði Katar liggi í gegnum fótboltann?

Þetta leiðir hugann að stöðunni í katarska fótboltanum en ég stefni að því að verða einn fróðasti Íslendingur í þeim fræðum hér á landi.

Fyrir stuttu lauk annarri lotu í Q-deildinni í Katar en alls eru spilaðir 27 leikir. Mótinu líku í apríl. Al-Gharrafa er með yfirburða forystu í deildinni og því er formsatriði að klára mótið. Aðeins eitt lið fellur og er baráttan á milli Al-Shamal og Al-Kohr.

1. Al-Gharrafa     18  51:19   49    
2. Al-Sadd           18  38:26   35    
3. Umm salal       18  25:25   26    
4. Al-Arabi           18  22:19   25    
5. Al-Rayyan       18  21:28   24    
6. Qatar SC        18  35:33    22    
7. Al Siliyya         18  26:32    22    
8. Al-Wakra        18  30:43    20    
9. Al-Shamal       18  18:27   15    
10.Al-Khor          18  19:33    13 

Mitt lið, Al Siliyya stóð sig bærilega. Efir sigur í fyrsta leik komu hræðilega úrslit en þegar OMX fór að lækka hér á landi, fór Al Siliyya að rétta úr kútnum.  Nú er bara spurningin hvenær við sjáum auglýsingu frá KB-banka framan á búningi Al-Siliyya eða einhverju öðru katörsku liði á næsta keppnistímabili!

Nú er katarska landsliðið að undirbúa sig fyrir undankeppni  HM-2010 en fyrsti leikur þeirra verður við Ástrali og er það erfið byrjun. Fyrir skömmu spiluðu Danir við Katar og lutu heimamenn í Doha í gras 0-1. Það eru góð lið í kringum Katar á heimslista FIFA, kíkjum á hann:

Athugasemdir

[Jón Halldór Guðmundsson, 1.2.2008 kl. 01:51]

Flott samantekt. Ég lenti í rimmu í dag við konu sem sagði að það væri furðulegt að margir karlar hefðu meiri áhuga á erlendum knattspyrnumönnum en eigin fjölskyldu.

Þetta var mitt svar: "Jú, sjáðu til bæði er knattspyrna endurspeglun á viðkomandi þjóðfélagi og snar þáttur af menningu hennar. Svo er hitt að þetta er stór viðskiptagrein. Þess vegna er til dæmis enski boltinn afar mikilvægt mál."

Ég sé nú enn betur hvað ég hafði laukrétt fyrir mér.