Sólarkaffi

Sá í fréttum að Siglfirðinga voru að fagna því að sjá sólina. Þeir halda hátíð mikla, sólarkaffi.

En það eru fleiri en Siglfirðingar sem sjá ekki til sólar yfir svartasta skammdegið. Einn bær, Syðri-Fjörður í Lóni er ekki vel staðsettur m.t.t sólbaða. 

Sólargangur er einna stystur í Syðra-Firði á byggðu bóli hérlendis og orti Eiríkur Guðmundsson bóndir þar 1904-1920 eftirfarandi vísur sem orðið hafa lífseigar: 

 

Mikaels frá messudegi

miðrar góu til

í Syðra-Firði sólin eigi

sést það tímabil.

 

Lengi að þreyja í þessum skugga.

þykir mörgum hart,

samt er á mínum sálarglugga

sæmilega bjart. 

 

Mikalesmessa eða Mikjálsmessa hefst 29. september og mið góa er í byrjun mars.

Heimild: Árbók FÍ 1993. 

Athugasemdir

[Jón Halldór Guðmundsson, 29.1.2008 kl. 15:42]

Athyglisvert. Seyðfirðingar fá sítt sólarkaffi 18. febrúar.

Flottar vísur.

[Gunnlaugur B Ólafsson, 29.1.2008 kl. 19:23]

Alltaf verið mikil skáld í og úr Lóninu   Kristján Eldjárn notaði þessa vísu einu sinni í áramótaræðu, þegar honum fannst of mikill barlómur í landanum. Mbk.