Súgfirðingaskálin

Það voru miklar sviptingar í borgarpólitíkinni meðan Súgfirðingar spiluðu um Súgfirðingaskálina, tvímenningsmóti Súgfirðingafélagsins í brids. Þegar spilamennska hófst er dagur var að ganga til viðar, var Dagur B. Eggertsson, borgarstjóri.  Eftir nokkur fjörleg  spil og nokkrar slemmusagnir var Ólafur F. Magnússon orðin hæstráðandi í borginni. Þetta var súrrealískt kvöld.

Spilarar létu sviptingar í borginni ekki hafa áhrif á sig en voru eins og aðrir borgarbúar, stein hissa. Mér gekk vel að stjórna mótinu enda lífsreynt rólyndis fólk frá Vestfjörðum að spila.

Úrslit í annari lotu urðu, en meðalskor er 156 stig:

1. Gróa Guðnadóttir - Guðrún K. Jóhannesdóttir        202  stig

2. Sveinbjörn Jónsson - Karl Jóhann Þorsteinsson    188     "

3. Einar Ólafsson -  Þorsteinn Þorsteinsson               168    "

4. Arnar Barðason - Hlynur Antonsson                       164    "

5. Björn Guðbjörnsson - Gunnar Þór Ármannsson      163   " 

Guðrún og Gróa leiða mótið sem er fimm lotur alls með 400 stig og er það feikna gott 64% skor. 

Arnar og Hlynur koma næstir með 345 stig en þeir hafa titil að verja.