Alfræðirit Arsenal

Encyclopaedia Britannica er líklegasta þekktasta alfræðibók veraldar. Frjálsa stafræna alfræðiritið Wikipedia er orðin mjög öflugur miðill á Netinu. Uppáhalds alfræðirit Arsenal-manna er að sjálfsögðu The Official Arsenal Encyclopedia.

Í knattspyrnuferðalagi á Emirates Stadium í desember keypti ég mér eintak af alfræðiritinu sem geymir upplýsingar frá A-Z um sigursælasta félag heimsborgarinnar London.  Að sjálfsögðu var fyrst flett upp á I fyrir ICELAND.  Þeir alfræðiritstjórar eru ánægðir með Arsenalklúbbinn á Íslandi. Það var gaman að lesa  staðreyndina um fjöldann í klúbbnum og hversu hrifnir þeir eru af fyrrum stjórnarmanni úr Vestmannaeyjum, Jóhanni Frey Ragnarssyni. Öllum uppátækjum hans og eldmóði. Það er minnst á fjallgöngu á hæsta tind Íslands og fánahillingu á toppnum eftir deildarsigurinn magnaða 2004. Staðreyndir hafa aðeins skolast til með leiðangursmenn en sagan um fjallgönguna er rétt. Nú stefnir í ferð hjá Arsenalmönnum á næsta ári á Hvannadalshnjúk!   Hér meðfylgjandi er umsögnin um ICELAND í Arsenal alfræðiritinu og mynd tekin af fánahillingu í 2.119 metra hæð, 12. júní 2004 kl. 05:25. 

 

 

 

 

 

 

 

 

 

 

 

 

 

 

 

 

 

 

 

Sigurpáll Ingibergsson, Halldóra Ingibergsdóttir, Halldór Pétursson og  Kjartan Páll Magnússon. Tindurinn Þumall sem kom fyrir í ÚtSvar í gær er á milli Halldórs og Kjartans.