Gunners 50 stærstu stundir

Í fríinu sumar hefur vefurinn arsenal.com birt daglega stærstu stundir stórveldisins Arsenal. Fengnir voru spekingarnir Martin Tyler, Alan Smith, Frank McLintock, Tom Watt og sagnfræðingur Arsenal Iain Cook. Þeir settu niður á blað mörg ógleymanleg atvik í sögu klúbbsins. Síðan kusu tíuþúsund stuðningsmenn um röðina.

Kíkjum á tíu bestu stundirnar.

1. 2004, Arsenal spilar 49 úrvalsdeildarleiki í röð án þess að tapa leik.

2. 1989, Mark Michael Thomas í blálokin í lokaleik á Anfield og gerði Arsenal að Englandsmeisturum.

3. 2004, "Ósnertanlegu" vinna meistaratitilinn á White Hart Lane.

4. 1996, Arséne Wenger ráðinn stjóri Arsenal

5. 1971, Arsenal leggur Liverpool að velli á Wembley og vinnur fyrstu tvennuna.

6. 2002, Mark frá Wiltord tryggir meistaratitil og þriðju tvennuna.

7. 2006, Fyrsta enska knattspyrnufélagið til að vinna Real Madrid á Spáni.

8. 2006, Flutningur frá Highbury á Emirates Stadium.

9. 2005, Henry slær markamet Wright í Evrópuleik  gegn Sparta Prag.

10. 2003, 1-5 sigur á Inter Milan á San Siro eftir magnaða frammistöðu Henry. 

Hægt er að sjá topp 50 listann hér: 

Mér líst vel á þennan lista. Ég hef upplifað allar tíu bestu stundirnar. Þó man ég lítið eftir tvennuni 1971 en áhugi minn á Arsenal kviknaði eftir það afrek. Það hefði ekki komið mér á óvart að víxla á  tveim efstu sætunum. Að mínu mati er sigurinn góði á Liverpool 1989 toppurinn. Það verður ógleymanlegt kvöld.  Ég á trefil þar sem 1-5 sigurinn er greyptur í.  Afrek númer 7 finnst mér vera ofarlega á lista. Real Madrid var svo slakt lið á þessum tíma, vængbrotið með Beckham innanborðs.

Ég hef verið mikill aðdándi Herbert Chapman. Nafn hans kemur fyrst fyrir í 18. sæti en þá var hann ráðinn stjóri Arsenal árið 1925. Hann byggði upp stórveldið. Hann tapar á því að þeir sem þekktu vel til hans eru flestir komnir undir græna torfu.

Athugasemdir

[Aggi (IP-tala skráð) 14.8.2007 kl. 13:02]

Ég hefði nú haldið að helsta stærsta stundin hafi verið þegar þeir komust upp í efstu deild. Það afrek að lenda í 5. sæti en komast samt upp hefur ekki verið leikið eftir síðan.