Ár frá tónleikum Roger Waters

Í dag er ár frá tónleikum Roger Waters í Egilshöll. Um 15.000 manns mættu í Höllina í Grafarvogi á 7.000 bílum. Ég man eftir mikilli umferðateppu á Vesturlandsvegi og seinagangi við að rífa af miðum. Man eftir rútu á undan okkur. Man að strákarnir fóru út í kant að pissa. Man eftir þegar nær dró, þá fóru stelpurnar í rútunni niður af veg, bakvið lítinn runna til að pissa. 

Hinn 63 ára aldni Roger Waters var sprækur og spilaði á bassa í 11 manna hljómsveit. Byrjað var að krafti, sprengingar og stuð, svo hægði á. Beirútlagið kom á óvart. Eftirminnileg saga og flott myndmál.  Eftir hlé var Dark Site Of The Moon og Nick Mason bættist í hópinn. Tvö trommusett voru notuð. Flott sýning og mikill kraftur stundum kom gæsahúð á skrokk.  Þrjú lög af Veggnum í uppklapp. Tónleikum lokið klukkan ellefu og heimferð gekk vel.

Í göngu til vinnu í morgun verður Dark Site Of The Moon spilað í  iPod til að rifja upp meistaraverk.

Júni er mánuður Pink Floyd á Íslandi. Sínfónían og Dúndurfréttir ætla að vera með tónleika í lok mánaðarins í Háskólabíó. Ég verð fjarri góðu djammi, stefnan er sett á Humarhátíð á Hornafirði.

Athugasemdir

[Skonsan (IP-tala skráð) 12.6.2007 kl. 10:14]

Þetta voru með þeim bestu tónleikum sem ég hef farið á og mun seint gleyma. Við ættum að hafa Pink Floyd dag ritaðan í dagatal Íslendinga.