Alan Turing dagurinn

Í dag, laugardaginn 23. júní, er Alan Turing dagurinn. Fyrir öld fæddist Alan Turing (23. júní 1912 – 7. júní 1954) enskur stærðfræðingur og rökfræðingur. Hann er þekktastur fyrir að finna upp svokallaða Turing-vél, sem er hugsuð vél, sem talin er geta reiknað allt sem reiknirit er til fyrir. Turing vélar hafa reynst mikilvægar fyrir framþróun tölva og tölvunarfræði.

Ef Alan hefði ekki fundið upp Turing-vélina, þá væri saga tölvunarfræðinnar öðruvísi en í dag. Internetið ekki til og því þessi færsla ekki skráð.

Lífshlaup Alan Turings var merkilegt og hann ákærður fyrir samkynhneigð. Leiddi það til þess að hann varð þunglyndur og tók eigið líf á besta aldri.