4:4

"A night to remember", söguð þulirnir á Sky.  Ekki eru þetta góðar minningar. Tveggja marka forysta Arsenal hrundi eins og íslenska bankakerfið á síðustu mínútunum. Að tapa tveim stigum á heimavelli og nokkrar sekúndur til leiksloka gegn neðsta liði deildarinnar, Tottenham er klúður. Með svona spilamennsku verður Arsenal aldrei enskur meistari. Kannski Evrópumeistari.

Þeir hafa oft verið magnaðir nágrannaslagirnir í norður Lundúnum. Skemmst er að minnast 5:4 leiksins fyrir fjórum árum er mörkin níu skiptust niður á jafnmarga leikmenn.

Þessi leikur minnti mig hins vegar á leik fyrir sjö árum á Lane. Pires hafði komið Arsenal yfir eftir áttatíu mínútna barning. Það var komið fram yfir níutíu mínútur. Arsenal-menn reyndu að bæta við öðru markinu. Pires og Kanu gerður heiðarlega tilraun. Sullivan varði, sparkaði langt fram og skyndilega berst boltinn til Poyet. Hann á laust skot að marki sem efnið Richard Wright, átti að verja auðveldlega en inn fór boltinn.  Pirrandi jafntefli var niðurstaðan.   Eftir þetta fóru Arsenal-menn að leika út að hornfána til að tefja leikinn og geta varist.  Þetta bragð gleymdist í kvöld.

 

Liverpool áfram á toppnum í Englandi

Athugasemdir

[Baldur Kristjánsson, 2.11.2008 kl. 12:12]

Pirrandi!!!!!  Þetta var æðislegt og svo tókum við Liverpool!!  Hvernig væri að við burtfluttir skorðum á Hornfirðinga í Brids.  leikur heima og heiman?  kv. B

[Sigurpáll Ingibergsson, 6.11.2008 kl. 11:38]

Til lukku með sigurinn á móti Liverpool.   Það er aldeilis kraftur sem fluttist milli liðanna í Norður London eftir þessi úrslit.   Spurs ósgrandi en Arsenal í sárum.

Fín hugmynd með þessa brids áskorun.  Nú spila Hornfirðingar aðeins á netinu. Við verðum að ná þeim að grænu spilaborðunum aftur. Ég nefni þetta við Valdemar Einarsson.