Ósigur í Laugardalnum

Það var fallegt veðrið á fullskipuðum Laugardalsvelli í kvöld er landsleikur Íslands og Hollands fór fram. Holland yfirspilaði okkur í fyrri hálfleik og var aðeins tveim mörkum yfir í hálfleik. Gaman að sjá hvað boltinn gekk vel á milli leikmanna hollenska liðsins. Ávallt laus maður til að senda á og síðan komu leiftursnöggar stungur inn fyrir sofandi íslensku vörnina.

HK-ingurinn, Gunnleifur Gunnleifsson var maður leiksins, varði þrisvar vel frá Arjen Robben, en hann gat lítið gert við mörkum tveim sem komu frá miðjumönnunum, Nigel De Jong og Mark Van Bommel. Hermann Hreiðarsson lét stjörnur Hollendinga finna vel fyrir sér en leikmenn Íslands hefðu átt að vera grimmari frá fyrstu mínútu. Eiður Smári hóf leik í framlínunni og náðist ekki samband við hann en þegar hann var færður aftur, þá kom meira spil í leik liðsins.

Okkar maður, Robin Van Persie átti fína spretti en féll oft er hann nálgaðist vítateiginn.

Leikmenn Sindra, Magnús Pálsson, Hermann Þór Erlingsson og Elvar Örn Unnsteinsson í hollenska  búningnum á malarvellinum á Egilsstöðum í 5. flokki. Líklega árið 1977.

Robin Van Persie var lengi á hægri kanti í fyrri hálfleik en færði sig svo innar á miðjuna. Þá komu tvö góð færi sem nýttust eigi.

Athugasemdir

[Zlatetion (IP-tala skráð) 8.6.2009 kl. 16:11]

okkar menn voru slappir

http://tjenester.aftenposten.no/quiz/quiz.htm?id=7908

ertu med tiuna ..... 

kvedja ekki Arnason... 

[Sigurpáll Ingibergsson, 8.6.2009 kl. 23:22]

Sæll Sigurjón!

Uss, ég fékk aðeins 8 stig. "En god Arsenal supporter".

Vantaði aðeins eitt til að komast í úrvalseinkun. Skrifa það á illa orðaða spurningu á dönsku. - Kveðja, Palli