Einar Björn breytir sögubókunum

Einar Björn Einarsson staðarhaldari á Jökulsárlóni er að koma fram með staðreyndir sem breyta sögubókum landsins. Nú þarf að endurmennta alla landsmenn, fræða þá um nýjar staðreyndir. Öskjuvatn sem hefur verið leiðandi í dýpt stöðuvatna á Íslandi frá 1875 er komið í annað sætið. Ísland er því stöðugt að breytast.

Í síðustu viku heimsótti ég á Reykjanesi stöðuvatn með djúpt nafn, Djúpavatn. Gígvatnið er dýpst tæpir 17 metrar.  Dýpra er það nú ekki.

 Topp 9 listinn yfir dýpstu stöðuvötn fyrir mælingar Einars leit svona út:

1.	Öskjuvatn	220	m
2.	Hvalvatn	160	m
3.	Jökulsárlón, Breiðamerkursandi	150	m
4.	Þingvallavatn	114	m
5.	Þórisvatn	114	m
6.	Lögurinn	112	m
7.	Kleifarvatn	97	m
8.	Hvítárvatn	84	m
9.	Langisjór	75	m

Heimild:

Landmælingar Íslands

Jökulsárlón tekið við sem dýpsta vatn Íslands

Athugasemdir

[B Ewing, 1.7.2009 kl. 15:25]

Ætli Öskjuvatn endurheimti ekki fyrri sess þegar Jökulsárlón verður að firði... ?

[Guðmundur (IP-tala skráð) 2.7.2009 kl. 11:22]

Sammála B, Ewing  og ætli hann verði ekki skýrður Breiðamerkurfjörður :) eða hreinlega Jökulfjörður og þarf ekki að vera Jökufjörður Eystri því firðrinir vestur í Djúpi bera nafnið í fleirtölu nema þá að það verði margir firðir sem koma þarna undan jöklinum :)