7 mannvirkjaundur á Vestfjörðum

Þetta er bráðsnjöll hugmynd hjá Vestfirðingum. Sniðug markaðssetning. Ég fór aldamótaárið 2000 á Vestfjarðakjálkan og þótti landslagið tilkomumikið, eins og að koma í annan heim. Fyrra skiptið var í jeppaferð á Dragngajökul um páska og um sumarið var keyrður hefðbundinn Vestfjarðarhringur. Þessi ferðalög höfðu góð áhrif á mig.  Ég ætla að setja saman lista en hef því miður ekki séð öll mannvirkin. En hér er listinn minn.

Húsaþyrpingin í Flatey á Breiðafirði
Vitinn í Æðey
Síldarverksmiðjan í Djúpavík
Mannvirki Samúels Jónssonar í Selárdal
Jarðgöngin í Arnarneshamri
Gamla sjúkrahúsið (Safnahúsið) á Ísafirði
Hvalstöðin á Hesteyri

Kleifakarlinn á Kleifaheiði er mezti húmorinn, Vestfirskur húmor.

 

Fjölmargar tilnefningar á sjö undrum Vestfjarða

Athugasemdir

[Jóhannes Einarsson, 12.9.2007 kl. 13:07]

Palli, skora á þig að taka Goðahólinn á Flateyri með á listann, jafnvel í staðin fyrir „jarðgöngin“, þau eru bara gat í klett !

[Sigurpáll Ingibergsson, 12.9.2007 kl. 19:38]

Auðvitað verður að hafa hól á svona lista. En er Goðahóllinn mannvirki?

Mér er hins vegar mjög minnisstætt þega ég keyrði í gegnum "jarðgöngin" í Arnarneshamri. Þetta voru svo óvenjuleg göng, stutt og hrikalegur en flottur götóttur hamar.

[Sigurpáll Ingibergsson, 12.9.2007 kl. 19:43]

En hvernig myndi svona listi líta út fyrir Hornafjörð.

Vatnstankurinn á Fiskhól verður ofarlega. Verst að mannvirkin á Stokksnesi skuli vera horfin, þau voru mörg hver glæsileg.

[Jóhannes Einarsson, 12.9.2007 kl. 21:10]

Það segirðu satt, víst er hún Snorrabúð stekkur hvað það varðar, en þetta með Goðahólinn, hann ku vera mannvirki þ.e.a.s. gröf eða haugur fornaldarkappa í öllum gallanum ásamt reiðskjóta hans.