Mjóifjörður

Sum örnefni eru augljós. Hér er eitt.
Mjóifjörður, 18 km langur og veðursæll, á milli Norðfjarðarflóa og Seyðisfjarðar. Þorp með 24 íbúa í Brekkuþorpi, eitt minnsta þorp landsins. Heiðin lokuð yfir veturinn. Kilfbrekkufossar, rygðaður landgönguprammi, hvalveiðistöð og gamli tíminn heilla mann.
Hvalveiðistöð Ellefsens var á Asknesi og var byggð af Norðmönnum um aldamótin 1900 og var ein stærsta í heimi. Sem betur fer er tími hvalveiða liðinn.

Malarvegur liggur niður í fjörðinn, inn Slenjudal, yfir Mjóafjarðarheið og alveg út á Dalatanga. Það var gaman að keyra niður í Mjóafjörð. Á hlykkjóttri leiðinni sást Prestagil, þar bjó tröllskessa sem tældi til sín presta í Mjóafirði og í Sólbrekku var hægt að fá frægar vöfflur. Í kirkjugarðinum er eitt veglegsta grafhýsi fyrir einstakling sem til er á landinu. Þar hvílir Konráð Hjálmarsson (1858-1939).

Einnig var bókin "Hann er sagður bóndi" æviferisskýrsla Vilhjálms Hjálmarssonar keypt með vöfflunni og lesin er heim var komið. Gaf það meiri dýpt í sögu fjarðarins og bóndans! 

Mjóifjörður séður ofan af Mjóafjarðarheiði með Fjarðará fyrir miðju. 

Athugasemdir

[Sigurður Antonsson, 16.10.2016 kl. 22:13]

Falleg mynd, en þorpið hefur týnst?

Mjófjarðarbændur er virðulegra nafn á fámennri byggð? Kannski á það heldur ekki við því aðeins eitt tún er að sjá á myndinni.

[Jón Steinar Ragnarsson, 16.10.2016 kl. 23:35]

Annar Mjóifjörður er við ísafjarðardjúp milli Vatnsfjarðar og Skötufjarðar. Yfir hann liggur tignarleg brú sem sparar mönnum að keyra fyrir hann. ;)

[Jón Valur Jensson, 16.10.2016 kl. 23:37]

Þakka þér frásögnina.

Þarna fekk Jósafat föðurbróðir minn að hirða risastóran hverfistein, sem fór í sjóminja- og vélsmiðjumunsafn hans, sem ekkja hans Ólöf og börnin sjö gáfu síðar til hinna gömlu heimaslóða þeirra hjóna, Neskaupstaðar.

[Hrólfur Þ Hraundal, 17.10.2016 kl. 02:02]

Ég átti ófáar ferðir í Mjóafjörð þá ég var ungur maður og forvitinn.  Nokkrum sinnum fórum við félagar snarferð með brekkubónda til síns heima og var það ævinlega skemmtilegt enda Brekku Villi engin venjulegur kjáni og svo var það hún Anna á Hesteyri, einhver skemmtilegasta, öflugasta og náttúrulegasta kona sem ég hef kynnst, en henni sást aldrei fyrir í neinu og brotnuðu þeir hennar verk menn  allir en hún svaf með haglabyssuna sér til trausts gegn þeim sem óbrotnir voru.      

[Daði Garðarsson (IP-tala skráð) 17.10.2016 kl. 15:56]

Afi minn hann Ásbjörn Guðmundsson er fæddur að Brekku 25 júlí 1894, lést 22 júlí 1975, hann átti tvíburasystir sem hét Margrét og lést hún 12 dögum á undan honum