Dofinn

Maður er hálf dofinn eftir ævintýri dagsins. Var að vona að botninum væri náð síðasta mánudag, en jökulsprungan er dýpri en maður hélt. Vonum að hún sé V-laga. Næsti mánudagur verður betri.

Heyrði þetta spakmæli, sem upphaflega er ættað úr Hávamálum en hefur þróast á góðum stað í dag.

"Margur verður að aurum api og af seðlum górilla."

Athugasemdir

[Jóhannes Einarsson, 10.10.2008 kl. 11:58]

Sæll vertu Sigurpáll ! Hræddur er ég um að sprungan í jöklinum sé ekki eins og þú vonaðir.  Meira klúðrið allt saman.  Atburðir liðinna daga hafa fengið mig til að hugsa til baka. Til góðu ferðarinnar okkar til London í fyrravetur.  Manstu þegar við vorum á Oxfordstreet og sáum allar búðirnar sem við "áttum" næstum því eða óbeint ?  Manstu þegar við sátum í rúmlega hundrað ára glæsibyggingunni sem einu sinni var en er nú bara hlandbraggi, eðlilega,  á heimaleik ónefnds liðs í ensku og ónefndur maður í teinóttum fötum taldist eiga þá og telur víst enn ? Manstu já, hvar við sátum þar  uppí  rjáfri í kulda og trekki meðan sá ónefndi sat við dúkalagt borð í lúxusinnréttuðum, hlýjum og upphituðum glersalnum , með dágóðan hóp "viðskiptavina" sinna, héðan frá landinu kalda, hverjir voru í pakkaferð "on the house" ex. Xxxxxbanka.  Þeir voru í skjóli einhverstaðar undir okkur í bárujárnshrúgaldinu, etandi og sötrandi drykki "on the house" ex. Xxxxxbanka, meðan ”liðið hans” í takkaskónum atti kappi við strákana frá Hróa Hattarborg ? Heldurðu að "viðskiptavinirnir" séu hressir og vinir hans í dag, þó hlandlyktin og nepjan í London þennan eftirmiðdag hafi ekki borist inn í vel einangaraðan glersalinn til þeirra ? Ég held ekki Palli ! Ég er heldur ekki hress.   Langt frá því.  Strákarnir mínir,  annar 11 ára og hinn 24 ára áttu allan sinn sparnað þessum ex. Xxxxxbanka, í bréfum sem nú eru einskis virði.  Það sem var 800 þúsund kr. fyrir nokkrum vikum er núna 0,0 ! En ég veit að margir hafa lent í verra vegna græðgi þessa manns og annarra álíka, svo ég tali nú ekki um afglöp þeirra sem settu lögin í landinu hér og gerðu honum og hans líkum mögulegt að koma svona mörgum í þá stöðu sem nú blasir við ! Þeir eiga reyndar að mínu mati mesta  sök á því að þetta gat gerst og ég óska öllum þeim sem töpuðu sparifé sínu vegna heimsku þessara misvitru manna velfarnaðar og bið útlend fórnarlömb hamfara þeirra velfarnaðar, og sérstaklega afsökunar hreint út. Sem Íslendingur verð ég að gera það.

Jæja tökum nú upp léttara hjál ! og þó....   Finnst nú blogg vöðvarnir mínir og stöðvarnar (vonandi) eru farnar að virka þá ætla ég  að nota tækifærið til að biðja þig og alla viðkomandi afsökunar á gagnrýni minni á Wenger blessaðan og stjórnina hjá okkar mönnum.  Eins og þú manst þá hef ég gagnrýnt þá fyrir að kaupa ekki "top class player eða jafnvel players" til að styrkja liðið pínu og koma með reynslu í bland við frábærlega spilandi liðið, en nú er komið á daginn að þetta er besti stjórinn og stjórnin, með flottasta völlinn og besta liðið og svo framvegis. Þetta er vonandi og allt auðvitað gert hjá þeim af fagmennsku og ráðdeild sem aðrir mættu taka sér til fyrirmyndar.  Það er samt engin Þórðargleði hjá mér, ég vona að keppinautarinir sem eru að komast í krísu vegna græðgi og  klikkaðra leikmannakaupa þrauki, því það verða að vera til jafningjalið að getu til að keppa við, annars fer spennan úr þessu og gamanið og það gæti farið fyrir  Úrvalsdeildinninni eins og Formúlunni,  sem að mínu mati hefur ekki borið sitt barr eftir að svo margir  misstu áhugann vegna yfirburða Schumacher og Ferrari.

Jæja nú þarf ég að fara að hnerra duglega og kveð í bili

Kveðja. EJE

(ps kanski tek ég klukkinu frá þér fljótlega)

[Sigurpáll Ingibergsson, 12.10.2008 kl. 02:07]

Sæll Einar!

Takk fyrir tilskrifið. 

Ég man vel eftir góðu ferð okkar til London sl. haust. Hún hófst í ofsaveðri og við töfðumst í þrettán tíma í Leifsstöð. Það var eftirminnilegt að vera innan um alla Pólverjana.  Ég upplifði hana fyrr í haust þegar XL fór í þrot. Þá minntist ég Upton Park og ferðarinnar þangað, leiksins, sem tapaðist og raðarinnar  í jarðlestina fá Bjögga á kaldri Lundúnanótt.  

Það er leitt að heyra af hvernig fór fyrir sparnaði strákanna þinna og skiljanlega er gremjan mikil.   Það verður eflaust erfitt að rökstyðja fyrir þeim að gott sé að leggja pening fyrir í framtíðinni. Það verður erfitt að kenn a ungu kynslóðinni það eftir þetta áfall sem við sköpuðum okkur.