Heljarmenni á ferð

Þetta er mikið afrek hjá Guðjóni og félögum í Flugbjörgunarsveitinni. Björgunarsveitarmenn eiga heiður skilinn fyrir gott starf við eldstöðvar.  Brekkan er um 140 metrar há eða tvær Hallgrímskirkjur. Annars kemur það mér á óvart að þyrlan skyldi ekki geta lent á Morinsheiði, því hún er eins og þyrlupallur í laginu.

Hér fylgir með mynd sem var tekin á föstudaginn langa og sýnir brekkuna, hún er tekin í 765 metra hæð. Það var stanslaus umferð fólks upp og niður snjóbrekkuna.

„Tók hana á öxlina“

Athugasemdir

[Jónas (IP-tala skráð) 4.4.2010 kl. 10:13]

Hún kaupir kannski flugeldana af björgunarsveitinni næst.

[Sigurpáll Ingibergsson, 4.4.2010 kl. 11:49]

Æpa sjaldan ofurhugar

Þannig hljóðaði málshátturinn sem var í páskaeggi mínu. Hann á vel við þessa björgun. Ekki hefur verið mikið æpt. Hvorki hjá björgunarsveitarmanni eða slösuðu konunni.

Flugeldasala er stór þáttur í fjáröflun björgunarsveita. Stóru terturnar, Ari Fróði, Njáll og synir hafa selst vel. Nú er stóra spurningin hvort boðið verði upp á Axlar-Björn.

[L (IP-tala skráð) 4.4.2010 kl. 15:38]

Meðan fólk anar út í vitleysu, þá verður aldrei skortur af hetjum og heljarmönnum.

[Sigurpáll Ingibergsson, 4.4.2010 kl. 23:01]

"Fleiri og voðalegri slys hljótast af hreyfingarleysi en fjallgöngum."

- Svo mælti Guðmundiar Einarsson frá Miðdal. Þessi orð eiga vel við í dag. Sófaslys eru alltof algeng hér á landi.

[j.a (IP-tala skráð) 5.4.2010 kl. 01:08]

Hvað hefði verið gert mér til hjálpar? Ég er 130kg.

[Sigurpáll Ingibergsson, 5.4.2010 kl. 13:33]

Sæll j.a!

Björgunarsveitarmenn hefðu gert sitt besta. Lílega náð í sjúkrabörur og fjögur heljarmenni borið þann slasaða niður á Foldir.

[L (IP-tala skráð) 6.4.2010 kl. 19:24]

Fólk þarf ekki á fjallgöngum að halda við að hreyfa sig, það gæti allt eins gengið á jafnsléttu.

Í þetta skipti þurfti líkbíl til.

Hvenær ætlar fólk að hrista af sér 2007 syndrómið?